कालोपत्रे सडकमा उम्रियो घाँस।।

0

सनिउल्ला धोबी, कपिलवस्तु, कार्तिक १८
लामो समय देखि सडकको धुलो खेप्दै बसेका कपिलवस्तु शिवराज नगरपालिका वडा नं. ५ का ग्यालेक्सी टोलका स्थानीय सडक कालोपत्रे हुदै गर्दा खुसि भएका थिए । घर अगाडीको सडक पिच हुने भए पछि धुलोको सास्ती खेप्नु नपर्ला भनि खुसि भएका स्थानिय सडक पिच गरेको एक महिना नवित्दै सडकमा घाँस उम्रिए पछि भने हैरान भएका छन ।
उपभोक्ता समितिले के.सी. कन्ट्रक्शनलाई निर्माण गर्न दिएको सडक े ५०० मिटर लम्बाई र ५.५ मिटर चौडाईको पिच बाटोमा घाँस उम्रिए पछि निर्माण कम्पनीले गुणस्तरहिन बाटो निर्माण गरेको उपभोक्ता समितिका अध्यक्ष विष्णु हमालले आरोप लगाएका छन । सडक पिच गर्दा कमसल सामाग्रीको प्रयोग गरेकोले कालो पत्रे सडक माथी घाँस(दुबो) उम्रिएको स्थानीय अशोक पोखरेलले बताए । ठेकेदारको लापरवार्ही , प्राविधीकको कमजोरीका कारण सडकमा घाँस उम्रिएको स्थानियले आरोप लगाएका छन ।५० लाख लागतमा निर्माण भएको सो पिच सडक अनुमन गरी सडकको गुणस्तर मापन नगरी सडक पास गर्नु प्राविधीकको कम्जोरी भएको स्थानीयले बताएका छन । सडकमा घाँस उम्रिएयो भन्ने खबर आएपछि नगरपालिका प्रमुख नेत्रराज अधिकारीले बाटोको अनुगमन गरेका छन । सडक निर्माण गर्दा भएको कम्जोरीलाई सुधार गर्नु पर्ने उनले बताएका छन । सडकको निर्माणमा नै लापरबार्हि भएको हो वा अन्य कुनै कारणले पिच सडकमा घाँस उम्रिएको यसबारे अनुसन्धान हुने सडकको जाँचका लागि सडक डिभिजन कार्यालयका इन्जिनियरबाट सडकको गुणस्तरीयता चेकजाँच गर्ने र सडक निर्माणमा लापरबार्हि गर्ने निर्माण कम्पनी , इन्जिनियरलाई कावार्हि गरिने अधिकारीले बताए ।
सडक निर्माण गरेको के.सी. कन्ट्रक्शनले भने सडक निर्माणमा कुनै त्यस्तो लापरवार्हि र कमसल सामाग्रीको प्रयोग नभए बताएको छ । पिच सडकमा घाँस उम्रिनुको कारण बारे आफु पनि अनभिज्ञ रहेको कन्ट्रक्शनले जनाएको छ ।

Leave A Reply

Your email address will not be published.