मंसिर ६ गतेवाट पाचौ चन्द्रौटा महोत्सव हुने ।

0

कार्तिक १८ कपिलवस्तु चन्द्रौटा
कपिलवस्तुको चन्द्रौटा मंसिर ६ देखि १६ गतेसम्म पाँचौं चन्द्रौटा महोत्सव हुने भएको छ ।व्यापार संघ कपिलवस्तुको आयोजनामा हुने पाँचौं चन्द्रौटा कृषि पर्यटन तथा ब्यापार महोत्सव २०७५ को तयारी सुरु भएको ।
“कृषि पर्यटन उद्योग–व्यापार र रोजगार, आर्थिक समृद्धि आत्मनिर्भरताको मूल आधार” भन्ने मूल नाराका साथ हुन लागेको पाँचौ चन्द्रौटा महोत्सव नजिकिँदै जाँदा आयोजक तयारीमा जुटेको आयोजक समितिका संयोजक महादेव पोख्रेलले वताए । गत वर्षकै स्थानमा महोत्सव हुने वताइएको छ ।अहिले महोत्सव स्थलमा तारवार र स्टल निमार्णको काम धमाधम भइरहेको छ । मेलालाई सभ्य र भब्य रूपमा सफल पार्न ३२ सदस्यीय मूल समिति र १३ सदस्यीय सचिवालय निर्माण गरिएको छ ।महोत्सवमा २६४ स्टलहरु रहने स्टल संयोजक नवराज न्यौपानेले वताए ।
स्थानीय ब्यापारीहरूका लागि स्टलमा बिशेष छुटको पनि ब्यवस्था रहेको आयोजकको दावी छ  । स्थानीय उत्पादन एवं पर्यटनको प्रचारप्रसार, संरक्षण, सम्बद्र्धन र बजारीकरणका साथै शिवराज नगरक्षेत्रका प्रसुति सेवा केन्द्रलाई विशेष सहयोग गर्ने उद्देश्यले महोत्सव आयोजना गर्न लागिएको महोत्सव मूल आयोजक समिति संयोजक पोखरेलले जानकारी जनाए । महोत्सव संचालनले जिल्लाको चन्द्रौटा क्षेत्रका कृषि, उद्योग, व्यापार व्यवसाय तथा ऐतिहासिक, पूरातात्विक, धार्मिक एवं पर्यटकीय स्थलहरूको वृद्धि विकास, प्रवद्र्धन र प्रचारप्रसारमा थप टेवा पुग्ने वताइएको छ ।
महोत्सवमा स्थानीयस्तरमा उत्पादित कृषि उत्पादन, हस्तकला जडीबुटीहरूको प्रदर्शनी र बिक्री वितरणका स्टलहरू रहने आयोजक संस्थाका महासचिव जगत पौडेलले बताए । महोत्सवलाई थप आकर्षण बनाउन बाल उद्योन, मौतका कुवा, रोटे पिङ, जादुगर, कुस्ती खेल, पाँचौं डान्स आइडल, थारु भेषभुषासहितको नृत्य प्रतियोगिताका साथै राष्ट्रिय र स्थानीय कलाकारहरूको बेजोड प्रस्तुति रहने महासचिव पौडेलले जनाए । यसैगरी जिल्लाका पर्यटकीय एवम् धार्मिक स्थलहरूको फोटो प्रदर्शनी महोत्सवको अर्को महत्वपूर्ण विशेषता रहेको आयोजक संस्थाका सचिव गोपाल बन्जाडेले जानकारी दिए

Leave A Reply

Your email address will not be published.