चितुवा नियन्त्रण गर्न प्रजिअ समक्ष माग

0

माधव खनाल,१८ कार्तिक२०७५

मानव अधिकार तथा शान्ति समाज अर्घाखाँची शाखाले नरभक्षी चितुवा नियन्त्रण गर्न माग गर्दै प्रमुख जिल्ला अधिकारी समक्ष आज ध्यानाकर्षण पत्र बुझाएको छ । समाजले बुझाएको ध्यानाकर्षण पत्रमा
अर्घाखाँचीमा बिगत ४-५ बर्षको अन्तरालमा चितुवाको आक्रमणबाट १५जना बच्चाले ज्यान गुमाई सक्दापनी सम्बन्धि निकाय गम्भीर नभएको भन्दै ध्यानाकर्षण गराइएको छ ।
चितुवा नियन्त्रण गर्न सुरक्षाकर्मी र स्थानीय बासिले बाघ खोर झाडी सफाई लगायतका काम गर्दै आउदा पनि चितुवा को आक्रमण रोकिए छैन । यस क्षेत्रका बासिन्दाहरु चितुवाको आक्रमणबाट निकै त्रसित छन , जस्को कारण बाल मनोबिज्ञान मा समेत असर गरेको समेत ध्यानाकर्षण पत्रमा उल्लेख गरिएककाे छ ।
चितुवा नियन्त्रण गर्न अत्तयाधुनिक उपकरणको प्रयोग बाट चितुवाको गतिविधि र मानबिय क्षेती पुर्याउने चितुवाको पहिचान गरि अन्य सुरक्षित स्थानमा लगेर पुनर्स्थापना गर्न स्थानीय प्रशासन र सम्बन्धि निकायले तत्काल पहल गरोस् भन्दै मानव अधिकार तथा शान्ति समाज अर्घाखाँची शाखाले प्रमुख जिल्ला अधिकारी लाई भेटेर पत्र बुझाएको हो।
पत्र बुझ्दै प्रमुख जिल्ला अधिकारी खिमराज भुसालले चितुवा नियन्त्रणका लागि सुरक्षाकर्मीहरु खटाई सकेको र दीर्घकालीन समस्या समाधानको लागि आफु लागी रेहेको बताउनु भएको छ । ध्यानाकर्षण पत्र बुझाउन मानव अधिकार तथा शान्ति समाज अर्घाखाँचीका सभापति अशोक पौडेल पत्रकार महासंघ प्रदेश सदस्य तथा समाजका केन्द्रिय प्रतिनिधि प्रेम नारायण आचार्य नेपाल पत्रकार महासंघ, अर्घाखाँचीका काेषाध्यक्ष विनोद गैरे शान्ति समाजका काेषाध्यक्ष रुद्र मणि भुसाल सह-सचिव सुरज रायमाझी सदस्य हरु लक्ष्मण घिमिरे, कृष्ण परियार लगायतको उपस्थिति रहेकाे थियाे ।

Leave A Reply

Your email address will not be published.