जिप दुर्घटनामा १० को मृत्यू १ ब्यपत्ता दुई घाइते ।

0

टेकबहादुर शाही÷कार्तिक १९ दुनै,डोल्पा
डोल्पामा जिप दुर्घटना हुदा १० जनाको घटना स्थलमा नै ज्यान गएको छ भने एक जना ब्यपत्ता र २ जनाको जिवितै उद्धार गरिएको छ । डोल्पा सदरमुकाम दुनैबाट १२ जना यात्रु बोकेर त्रिपूरा सुन्दरी नगरपालिकाको सूँ पानि जादै गरेको भे १ ज १६११ नम्बरको जिप ठुलीभेरि नगरपालिका ९ अन्तरगत पर्ने कालागौडामा दिउसो २ तिस बजे दुर्घटना भएको हो ।
दुर्घटनामा परि मृत्यू हुनेमा त्रिपूरा सुन्दरी नगरपालिका १ का अन्दाजी बर्ष ६५ का नरसिँह कठायत,सोहि नगरपालिकाका १ कै बर्ष ४८का हेमराज हमाल,बर्ष २५ का शेरबहादुर थापा,वडा न २ का बर्ष २४ का कुमार रोकाण,बर्ष १३ की अस्मीता रोकाया, वडा न ३ का बर्ष ४५ का बोध धराला,बर्ष १५ की मनिषा धराला,वडा न ५ बर्ष २५ की लक्ष्मी रोकाया, ५ कै बर्ष १२ का यम रोकाया र ठुलीभेरि नगरपालिका ५ का भद्र रोकायाको घटना स्थलमा नै मृत्यू भएको छ ।
त्यसैगरि त्रिपूरा सुन्दरी नगरपालिका ३ बर्ष २२ की अमिना बुढा भने ब्यपत्ता रहेकी छिन । चालक दिनेशबहादुर बोहोरा र नन्दबहादुर थापा गम्भीर घाइते रहेका छन । घाइते २ जनाको जिल्ला अस्पताल डोल्पामा उपचार भइरहेको प्रहरीले जानकारी दिएको छ । नन्दबहादुर थापा त्रिपूरासुन्दरी नगरपालिका वडा न २ का अध्यक्ष हुन । उनको टाउकोमा १० सेमि टाका लगाइएको छ भने चालक दिनेशको कम्मरमा चोट लागेको जिल्ला अस्पताल डोल्पाका प्रमुख डक्टर हिमबिक्रम शाहीले जानकारी दिए ।
घटना भएको जानकारी पाए लगत्तै जिल्ला प्रहरी कायालयबाट प्रहरी नेपाली सेना शसस्त्र प्रहरी र स्थानीयले तत्तकाल उद्धार गरेपनि जिप भेरिमा डुबेपछि जिवितै उद्धार गर्न नसकिएको प्रहरी नायव उपरिक्षक अबदेश बिष्टले जानकारी दिए ।
घनटा स्थलबाट सबै शबहरु निकालेर शब जिल्ला अस्पतालमा पुर्याएको छ । सबैको सनाखत भएपनि पोष्टमार्टम भने भोली मात्रै हुने प्रहरीले जानकारी दिएको छ । डोल्पा सदरमुकाम शोकमा डुबेको छ । यो घटना डोल्पाको इतिहासमा सबै भन्दा ठुलो घटना हो । आज सम्म १८ जनाको ज्यान गै सकेको छ ।

Leave A Reply

Your email address will not be published.