गच्छदारलाई उपसभापति बनाउने तयारीमा देउवा

0

मङ्लबार, कार्तिक २०, २०७५

काठमाडौं । नेपाली कांग्रेसका सभापति शेरबहादुर देउवाले नेता विजयकुमार गच्छदारलाई उपसभापति बनाउने तयारी गरेका छन् । सभापति देउवाले आज बस्ने केन्द्रीय समिति बैठकबाट नै गच्छदारलाई उपसभापतिमा मनोनीत गर्ने तयारी गरेका हुन् । बैठकले ५ देखि ९ मंसिरसम्म तोकिएको महासमिति समयभित्र गर्न नसकिने भएपछि मितिसमेत तय गर्ने भएको छ ।

स्रोतका अनुसार सभापति देउवाले आइतबार साँझ नै पार्टीका शीर्ष नेतालाई फोन गरेर गच्छदारलाई उपसभापतिमा मनोनीत गर्ने तयारीमा आफू रहेको भन्दै सहयोग गर्न आग्रह गरेका थिए ।विधानमा हाल कायम रहेको व्यवस्थाअनुसार भने गच्छदारलाई उपसभापति बनाउन मिल्दैन । कांग्रेसको हालको विधानमा पार्टीको पदाधिकारी हुनका लागि निर्वाचित केन्द्रीय सदस्य हुनुपर्ने व्यवस्था छ । तर, गच्छदार विशेष आमन्त्रित केन्द्रीय सदस्य हुन् ।सभापति देउवाले शीर्ष नेतालाई बाधा अड्काउ फुकाउ गरेरमात्र उपसभापति मनोनीत गर्ने बताएका छन् । –राजधानी दैनिकबाट

Leave A Reply

Your email address will not be published.