लमहीका विभिन्न मिठाइ पसल र पाउरोठी उद्योगमा अनुमगन

0

भेटियो अखाद्य बस्तु

दिवाकर पोख्रेल
देउखुरी, कातिक २० गते । चाडपर्वमा बजारमा अखाद्य बस्तुको विक्रि वितरण रोक्न लमहीका विभिन्न पसलमा अनुगमन गरिएको छ । खाद्य प्रविधि तथा गुण नियन्त्रण कार्यालय नेपाल गंज,लमही नगरपालिकाको सयूक्त पहलमा लमहीका विभिन्न पसलहरुको अनुगमन गरिएको हो ।
अनुगमनको क्रममा मिठाइ पसलहरुको भान्सा तथा निर्माण कक्ष अत्याधिक फोहोर रहेको भन्दै विभिन्न पसलहरुबाट मिठाइ मरामद गरिएको छ । लमहीको राप्ती मिस्ठान भण्डार, बाबा होटल,लमही होटल,दुर्गा बेकर्स झरना होटल,लमही डेरी र जय शम्भु पाउरोटी उद्योगको अनुगमन गरिएको थियो ।

अनुगमन टोलीलले पाउरोटी उद्योगको आवश्यक पर्ने मापदण्ड अनुसार नरहेको भन्दै एक हप्ता भित्र मापदण्ड पुरा गरि खाद्य प्रविधि तथा गुण नियन्त्रण कार्यालयमा दर्ता हुन चेतावनी दिइकको छ । निर्माण मिति र म्याद समाप्त हुने मिति विना बजारमा विक्रीको लागि तयार पारिएको पाउरोटी,खस्ता लगायतको दुइ बोरा पाउरोटी जन्य खाद्य बस्तु जफथ गरिएको छ ।अनुगमनको क्रममा म्याद समाप्त भएका पेय पदार्थ विक्री वितरण गरिएको,अन्ुमति विना नै देखिने स्थानमा सुर्ति जनइ पदार्थ विक्री वितरण गरिएको, अनुमति विना व्यवसाय संचालन गरेको र अखाद्य बस्तुको मिसावट गरि खाद्य बस्तु तयार पारिएको पाइएको र सुधार्न आग्रह गरिएको खाद्य प्रविधि तथा गुण नियन्त्रण कार्यालयउ नेपालगंजका खाद्य निरीक्षक एकराज बुढाथोकीले जानकारी दिनुभयो ।

अनुगमनमा लमही नगरपालिका प्रमख कुलवहादुर केसी,उप प्रमख देवका बेल्वासे,देउखुरी उद्योग वाणिज्य संघका महासचिव कमलजंग सिंह,पत्रकार , इलाका प्रशासन कार्यालयका लमहीका प्रमुख प्रेम खवासको सहभागिता रहेको थियो ।

Leave A Reply

Your email address will not be published.