प्रतिस्पर्धा गर्न सक्ने जनशक्ति तयार गर्न नगर प्रमुख कलामको निर्देशन ।।

0

सनिउल्ला धोबी, कपिलवस्तु कार्तिक २०
सामुदायिक विद्यालयका गुणस्तर सुधार गरी प्रतिशपर्धा गर्न सक्ने जनशक्ति तयार गर्न विद्यालयले महत्व दिनु पर्ने महाराजगंज नगरपालिका प्रमुख अव्दुल कलाम मुसलमानले वताउनु भएको छ । उहाले सबै अभिभावकले आफनो आफनो बालबालिकालाई विद्यालयमा भर्ना गर्नु पर्ने र नियमित रुपमा विद्यालय पठाउनु पर्नेमा जोड दिनु भयो । अव शिक्षा दिने मात्र नभई गुणस्तरमा समेत जोड दिएर हरेक क्षेत्रमा प्रतिशपर्धा गर्न सक्ने जन शक्ति तयार गर्नु पर्ने वताउनु भयो । मंगलवार महाराजगंज नगरपालिका वडा नं. ५ लाई आधारभुत तह उमेर समुह पुर्ण भर्ना वडा घोषणा सभाको समुदघाटन गर्दै कलामले सो कुरा वताउनु भएको थियो ।
कार्यक्रममा बोल्दै बडा अध्यक्ष छेदी प्रसाद कुर्मीले सवैको सहयोगले ५–१२ उमेर समुहका बाल बालिकालाई विद्यालय भर्ना गर्न सफल भएको वताउनु भयो । वडाका ५ सामुदायिक विद्यालय २ मदरसा १ संस्थागत विद्यालयमा ११६० बाल बालिका भर्ना भएको प्रतिवेदनमा उल्लेख गरीएको छ । कार्यक्रममा सनशाईन सामाजिक विकास संस्थाका कार्यक्रम संयोजक शिवलाल यादवले नेपाल सरकारले २०८५ साल भित्र सवैले आधारभुत तह अध्ययन गुर्नु पर्ने ऐन वनाएको हुदा अव सवै अभिभावकले वाल बालिका भर्ना गराई नियमित रुपले विद्यालय पठाउन पर्ने वताउनु भयो । कार्यक्रममा वडा नं. ११ का वार्ड अध्यक्ष जगदिश प्रसाद तिवारी ,समाजसेवी सुर्य पासवान, उदय बाल संजालका संयोजक दुलारे केवट, उदय युवा क्लवका अध्यक्ष तौलेश्वर यादव, अनिरुद्र प्रसाद चौधरी लगायतले मन्तव्य राख्नु भएको थियो ।
कार्यक्रममा वडालाई पुर्ण भर्ना घोषणाको लागी सहयोग गर्ने सरोकारबालालाई सम्मानित गरीएको थियो । यस अधि महाराजगंजका २ वडा पुर्ण भर्ना भई सकेका छन । कुल ११ बडा मध्ये ८ वडा अझै पुर्ण भर्ना गर्न वाकी रहेको सामाजिक अभियन्ता कमलेस कुमार केवट वताउनु हुन्छ । कार्यक्रम सनीउल्ला धोवीको संचालन वडा अध्यक्ष छेदी प्रसाद कुर्मीको अध्यक्षतामा सम्पन्न भएको थियो ।

Leave A Reply

Your email address will not be published.