बैकंबाट ॠण लिएर भैंसीपालन

0

प्यार अलि खाँन,२०कार्तिक २०७५

मुस्लिम समुदायहरु व्यापार व्यवसायमा नै बढी सक्रिय हुन्छन । यीनका पुर्खाहरुले पनि अन्य पेशामा खासै हात हालेन्न। कृषिमा त यिनिहरु पनि लागे तर त्यसलाई ब्याबसायीक रुपमा कहिलै गरेन्न। तर सरुमारानी–१ बाङ्गेसाल मिँयाटोलकी जमिरन खातुन भने परम्परागत पेशालाई आत्मसाथ नगरेर बैकंबाट चर्को ब्याजमा कर्जा लिएर व्यवसायिक भैंसीपालन गरेकी छन् । ज्योती विकास बैङ्क दरभान शाखाबाट १६ प्रतिशत वार्षिक ब्याजदरमा १५ लाख ऋण लिएर भैसीपालन थालेकी हुन् ।सुलभ ब्याजदरमा कतैबाट ऋण नपाएपछि बैकंको चर्को ब्याजको ॠण लिन परेको खातुनले सुनाईन। गाउ मै सिर्जना महिला व्यवसायिक भैंसीपालन फर्म दर्ता गरि विगत १ वर्ष अघि देखी खातुनले भैंसीपालन गरिरहेकी छन् । ‘१५ लाख मध्ये ८ लाख भैसीपालनमा लगानी गरेकी छु ।’ खातुनले भनिन् , ‘सस्तो ब्याजदरमा ऋण नै पाईएन ।’ सुधारिएको गोठ तथा भैंसी खरिदमा ८ लाख खर्च भएको खातुनको भनाई छ ।फर्ममा ५ वटा स्थानिय जातका मुर्रा भैंसी तथा पाडापाडी रहेका छन् । प्रतिदिन ३० लिटर दुध उत्पादन हुन्छ। दुधको बजारको लागि कुनै समस्या नरहेको खातुन बताउँछिन् । करिब १३ वर्षसम्म बैदेशिक रोजगारमा आवतजावत गर्दै आईरहेका खातुनका श्रीमान जब्बरदिन मिँयाले समेत श्रीमतीको भैंसीपालनमा सघाईरहेका छन् । ‘अब विदेश नजाने ।’ मिँयाले भने, ‘भैंसी फर्मको स्तरोन्नतीमा पुरा ध्यान दिनेछु ।’‘खली, बरान, सातु चोकर र मकै मिलाएर दाना खुवाउँछु ।’ जब्बरदिनले भने, ‘समयमै दाना, घाँसपात तथा औषधी उपचारमा ध्यान दिन पर्छ ।’ दाना, पराल तथा औषधी उपचार खर्च कटाएर मासिक ३० हजार आम्दानी हुने गरेको जब्बरदिन बताउँछन् । जिल्ला पशु सेवा कार्यालयबाट १ वटा मुर्रा राँगा अनुदान पाएका खातुन दम्पतिलाई सरुमारानी गाँउपालिकाले समेत ५० हजार अनुदान सहयोग गरेको छ । ‘घाँस काट्ने मेशिन किनेका छौँ ।’ जमिरन भन्छिन्, ‘मल तथा गोबर पनि बेच्ने गर्छौ ।’ जमिरनले भैंसीपालनका लागि ४ रोपनी जग्गा भाडामा लिई घाँसखेती समेत गर्दै आईरहेकी छन् । जमिरन भन्छिन् ,‘मलाटा, स्टाईला घाँस रोपेका छौँ ।’

मिँयाको ७ जनाको परिवार व्यवसायिक भैंसीपालनबाटै पालिएका छन् । कृषिबाटै भविष्यको समृद्धिको आधार देखेका मिँया दम्पतीले भने, ‘हामीलाई कृषि तथा पशुपालनमा सुलभ ब्याजदरमा ऋण पाएपनि ठूलै सहयोग हुन्थ्यो ।’ हालचालै खातुन दम्पतीले संयुक्त साझेदारीमा बिहानी पोल्ट्री फर्ममा लेयर्स कुखुरापालनमा समेत लगानी गरेका छन् ।

Leave A Reply

Your email address will not be published.