प्युठानमा साहित्यीक जागरणका लागि माझी समुह

0

सागर रिजाल
प्युठान,२० कार्तिक ।
साहित्यीक जागरणका लागि माझी समुहले मंगलबार आदिम गोरेटोमा नयाँ पाईला रचना बाचन तथा शुभकामना आदानप्रदान कार्यक्रम गरेको छ । प्युठानमा लेखन कार्य अति सक्रिय हुदाँहुदैपनि विचार, बहस, अन्र्तक्रियाका कार्यक्रमहरु कम भएकाले कार्यक्रम गरिएको समुहका अभियन्ता घनश्याम अस्तित्वले जानकारी दिनुभयो । उहाँले भन्नुभयो,‘राजधानी र मोफसलको साहित्य जोड्न यस समुहले पुलको काम गर्ने छ । ’ जिल्लामा रहेका अग्रज साहित्यकारहरुको सम्मान गर्दै साहित्यको नयाँ अभियानका लागि माझी समुह गठन गरेको अस्तित्वले जानकारी दिनुभयो ।
पछिल्लो समय प्युठानको साहित्य , साहित्यीक गतिविधि एंव साहित्यका सम्वन्धमा विचार परामर्श कम भईरहेका बेला जिल्ला र जिल्ला बाहिरका साहित्यकारहरुले माझी समुहको गठन गरि साहित्यको क्षेत्रमा काम गरिरहेको अस्तित्वले बताउनुभयो । माझि समुहमा घनश्याम अस्तित्व, यमुना मगर, आशा ओलाी, सिताराम केसी, तिलक अधिकारी, युवराज भण्डारी, महेश थापा लगाएतका २०, २२ जना युवा कवि एंव साहित्यकारहरु आवद्ध हुनुहुन्छ ।

कार्यक्रममा साहित्यकारहरु घनश्याम अस्तित्व, गेहराज थापा, देवेन्द्र कुमार रिजाल, अनुज पछाई, आशा ओली लगाएतका २८ जनाले विभिन्न विषयमा रचना बाचन तथा आउदै गरेको नेपालीहरुको महान पर्व तिहारको शुभकामना आदान प्रदान गरेका थिए । कार्यक्रमको शुभकामना दिदै प्युठान नगरपालिकाका प्रमुख अर्जुन कुमार कक्षपतिले साहित्य विधा आफैमा महान विधा भएको बताए । उहाँले भन्नुभयो,‘ समुहले साहित्यीक गतिविधिमा निरन्तरता दिन आवश्यक छ । ’ जिल्लामा पछिल्लो समय यस्ता कार्यक्रमहरुमा कमि भएकाले आगामी दिनहरुमा पनि कार्यक्रमहरु गर्दै जान आग्रह गर्नुभयो ।

Leave A Reply

Your email address will not be published.