देउखुरी बहुमुखी क्याम्पस प्रमुखमा गिरी

0

दिवाकर पोख्रेल
देउखुरी, कार्तिक २० गते । देउखुरीको पुरानो क्याम्पस देउखुरी बहुमुखी क्याम्पसको क्याम्पस प्रमुखमा शेरवहादुर गिरी नियुत्त हुनु भएको छ । २० गते बसेको क्याम्पस संचालक समितिको बैठकले क्याम्पसका सहायक क्याम्पस प्रमुख गिरीलाई आगामी चारबर्ष कार्यकालको लागि क्याम्पसको क्याम्पस पमुख पदमा नियत्त गरेको क्याम्पस संचालक समितिका अध्यक्ष रेश्मीराज शर्मा कंगालीले जानकारी दिनुभयो ।

स्नाकोत्तर तह सम्म पठन पाठन संचालन भएको देउखुरीको पुरानो सामुदायिक क्याम्पसको उहाँ चौथो क्याम्पस प्रमख हुनुहुन्छ । बिक्रम पोख्रेल संथापक क्याम्पस प्रमख बन्नुभएको उक्त क्याम्पसमा शुधिरकुमार अधिकारी शेषमणि गौतम क्याम्पस प्रमख बनि सक्नुभएको छ । क्याम्पस प्रमुख शेषमणि गौतमको पदावधि सकिएपछि गिरीलाई क्याम्पस प्रमुखमा नियुत्त गरिएको हो । २०६२ साल देखि देउखुरी क्याम्पसमा आवद्ध गिरीले शिक्षा शास्त्र संकायको अंग्रेजी विषयमा स्नाकोत्तर गर्नुभएको छ भने शिक्षा क्षेत्रमा नेतृत्व विषयमा एमफिल गर्नुभएको छ । राप्ती गाउँपालिका निवासी गिरी देउखुरी बहुमुखी क्याम्पसको चार बर्षेकाल सम्म सहायक क्याम्पस प्रमुखको जिम्मेबारी समेत पुरा गरि सक्नुभएको छ ।

Leave A Reply

Your email address will not be published.