अर्घाखाँचीले जित्यो दोस्रो महेश स्मृति क्रीकेटको उपाधी

0

राम बहादुर बिश्वकर्मा,२२ कार्तिक २०७५ प्युठान
स्वर्गीय महेश स्मृति खुल्ला क्रिकेट प्रतियोगितामा अर्घाखाँची भुमिकास्थान नगर पालिका वडा नम्बर ४ले जितेको छ।अखिल (क्रान्तिकारि )विद्यार्थी सङगठन र अनेरास्ववियु प्युठानको संयुक्त आयोजनामा सम्पन्न प्रतियोगिताको उपबिजेता मल्लरानी गाउँपालिका ४ खलंगाले हासिल गरेको छ।प्रतियोगितामा प्रथम बन्ने समूहले नगद रु ५० हजार सहित ट्रफी र मेडल प्राप्त गरेको छ भने दितिय हुने टोलीले नगद रु २० हजार सहित ट्रफी र मेडल प्रदान गरिएको छ ।बिजेता खेलाडीलाई बधाई दिदै अखिल क्रान्तिकारीका केन्द्रिय उपाध्यक्ष तिलकराज भण्डारीले यतिबेला ऎतिहासिक रुपमा दुई तिहाई बहुमतको कम्युनिस्ट सरकार भएको देशमा खेलको माध्यमबाट समाजबाद को आधार बनाउनुपर्ने बताउनुभयो।

त्यस्तै संगठनका केन्द्रिय सदस्य एबम जिल्ला इन्चार्ज सुमनराज श्रेष्ठले ५ वर्षअघि अखिल क्रान्तिकारीका एक कर्मठ सयोद्धा जिल्ला सदस्य समेत रहेका महेश बि क कार दुर्घटनामा परि मृत्यु भएपछि उनको स्मृतिमा सो प्रतियोगिता सञ्चालनमा ल्याएको बताउँदै श्रेष्ठले उल्लेख गर्नुभयो “-युबाहरुलाई खेल प्रती आकर्षण गराई जिल्लामा उत्कृष्ट खेलाडी जन्माउने उद्देश्यले प्रत्येक बर्ष यस्तो प्रतियोगितालाई निरन्तरता दिइरहेका छौँ । “त्यस्तै अखिल क्रान्तिकारीका जिल्ला अध्यक्ष पुस्कर शर्माले भन्नुभयो -” खेलको माध्यम बाट मात्र होईन सरकारका जतिसुकै गतिविधि भए पनि राम्रा काममा स्वागत , सहयोग र नराम्रा काममा प्रतिपक्षको भुमिका लिदै रचनात्मक सुझाव सहित आफ्नो संगठन अगाडी बढेको छ, राज्यमा हुने गरेका शैक्षिक बिकृती र बिसङ्गतिका विरुद्ध हाम्रो सङ्गठन अगाडि बढेको छ।”प्युठान नगरपालिका ३ निबासी महेश थापाको निधनको पाचौं वर्षदिन पनि यसै महिना पुग्दैछ । क्रान्तिकारी बिध्यार्थी संगठनका पुर्ब जिल्ला सदस्य बि कको कार दुर्घटनामा परि निधन भएको थियो ।

Leave A Reply

Your email address will not be published.