शिवराज जेसीज द्धारा अग्नी पिडितलाई राहत वितरण ।।

0

माधव बेल्वासे,कपिलवस्तु(चन्द्रौटा) कर्तिक २७

शिवराज जेसीजले आफ्नो सप्ताहव्यापी कार्यक्रम अन्तर्गत शिवराज नगरपालिका १० इस्लाम नगरका अग्नी पिडित परिवारलाई राहत सामाग्री वितरण गरेको छ ।

जेसीस सप्ताह व्यापी कार्यक्रम अन्तर्गत शिवराज जेसीसले आज पहिलो दिन अग्नी पिडित ६ घर परिवारलाई प्रति परिवार १० केजी चामल १पोका तेल, १ केजी दाल, १ पोका आयोडिन नुन, र १ थान कम्बल वितरण गरेको जेसीसका अध्यक्ष सरोज पौडेलले बताउनु भयो ।

सामाजिक क्रियाकलापमा सक्रिय रहेको जेसीजले अग्नी पिडितको पिडा कम गर्न थोरै भए पनि सहयोग गर्न पाउदाँ आफुलाई खुसी लागेको पौडेलले बताउनु भयो । खुला आकाशमुनी बस्न बाध्य पिडित पडित परिवारलाई अहिले राहतको आवश्यकता रहेको समेत उहाँले उल्लेख गर्नु भयो ।

जेसीजको सप्ताह व्यापी कार्यक्रम अन्तर्गत आज पहिलो दिन शिवराज नगरपालिकाको इस्लाम नगरमा राहत वितरण,कार्तिक २८ गते राष्टिय मा.वि.मा टाफिक सचेतना कार्यक्रम, २९ गते सुगानगर विद्यालयमा स्वास्थ्य सरसफाई कार्यक्रम र मंसिर ४ गते सहज नेपालको हलमा माध्यमिक विद्यालय स्तरीय हाजिरी जवाफ प्रतियोगिता कार्यक्रम रहेको अध्यक्ष पौडेलले जानकारी दिनु भयो ।

इस्लाम नगरमा यहि कार्तिक २२ गते तिहारका लागि बालेको मैनबत्तीबाट आगलागी हुँदा कपिलवस्तुमा ६ घर जलेर नष्ट भएका थिए । आगलागीबाट इस्लामनगरका शिवप्रसाद अराख, सन्तराम लोनिया, चन्द्र लोनिया, राममुरत मुराउ र वंसीनाथ लोनियाको खरले छाएकोे घर जलेर नष्ट भएको थियो

आगलागीबाट रु दुई लाखबराबरको क्षति भएको छ भने अग्निपीडित खुल्ला आकाशमुनि बस्न बाध्य भएका छन् ।

Leave A Reply

Your email address will not be published.