ॠण खोजेको सबै पैसा सकियो। अब श्रीमानको कसरी उपचार गर्ने?

0

कामना डेस्क
कार्तिक २८, २०७५
प्युठान – सरुमारानी गाउँपालिका वडा नं. ५ बुढिचौर गाउंका एक युवा बिगत ३ बर्ष देखी मृगौला रोगको उपचारका लागी अस्पतालको शैयामा ढलीरहेका छन। बुढिचौरका ३२ बर्षिय थम्मन बहादुर अछामी मगरको दुवै मृगौलाले काम गर्न छाडेपछि अहिले उनले रुपन्देही स्थित गौतम बुद्ध सामुदायिक मुटु अस्पताल रामनगर बुट्वलमा उपचार गराइरहेका छन् ।

दुईटै मृगौला फेल भई अस्पतालको शैयामा रहेका थम्मन बहादुर अछामीलाई सहयोग गर्न चाहनुहुने जो कसैले पनि सिभिल बैंक लिमिटेडमा रहेको खाता नम्बर 05010107292016 मा रकम जम्मा गरिदिन सक्नुहुने छ

तीन बर्ष सम्म अस्पतालमै राखेर उपचार गराउँदा करोव १० लाख रुपैया सकिएको र अव उपचार गर्न आफूहरुसँग पैसा नभएको उनकी श्रीमती टीका अछामीले बताईन ।टिका भन्छिन् ‘परदेशमा कमाएको र आफन्तबाट सरसापट लिएको पैसाले श्रीमानलाई आज सम्म त जेनतेन बचायौँ अब पैसा सकियो।अब के गरेर बचाउने ? ।’

उनी आफ्नो श्रीमानको ज्यान बचाइदिन आग्रह गर्दै सबैसँग सहयोग मागिरहेकी छन् ।

यतिबेला उनको घर परिवारमा बिचल्ली छ । तर सञ्चो हुने आशा भने जिवितै रहेको उनी बताउँछन् ।
बिरामी थम्मन अछामीका ३ छोरा र श्रीमती रहेका छन् ।

डाइलोसिस सेवा केही समय यता निशुल्क हुदै आएपनि डाक्टरले बुढाको मृगौला प्रत्यारोपण गर्नु पर्ने भनेका छन् । त्यसैले उनकी ३० बर्षिया श्रीमती टिकाले आफ्नो एउटा मृगौला श्रीमान थम्मनलाइ दिने भएकी छिन् ।
त्यसैको लागि अहिले आफू आर्थिक सहयोग मागेको उनले बताइन् । उनले आफ्नो श्रीमानलाई सहयोग गर्नको लागि सबैलाई अनुरोध गरेकी छन् ।

मृगौला प्रत्यारोपण गरेपछि पनि उपचारका लागि ५÷७ लाख रुपैयाँ पैसा आवश्यक पर्ने उनले बताइन् ।
मृगौला रोगले ग्रसीत थम्मन बहादुर अछामीलाई सहयोग गर्न चाहनुहुने जो कसैले पनि सिभिल बैंक लिमिटेडमा रहेको खाता नम्बर 05010107292016 मा रकम जम्मा गरिदिन सक्नुहुने छ।

Leave A Reply

Your email address will not be published.