लाइसेन्स आवेदन मङ्सिर ७ देखि खुल्ने, दैनिक ५ हजार कार्ड छापिंदै

0

२९ कार्तिक २०७५,

काठमाडौं । असोजदेखि बन्द रहेको लाइसेन्स (सवारी चालक अनुमति पत्र) को आवेदन आगामी मङ्सिर ७ गतेदेखि खुल्ने भएको छ । यातायात व्यवस्था विभागले चाडपर्वलाई ध्यान दिई लाइसेन्सको आवेदन फारम र ट्रायल परीक्षा बन्द गरेको थियो ।

नयाँ आवेदन बन्द भए पनि रिट्रायल भने दशैं विदा सकिएपछि सुचारु रहेको यातायात व्यवस्था विभागका सूचना अधिकारी गोकर्णप्रसाद उपाध्यायले बताए । हाल स्मार्ट लाइसेन्स छाप्न अनुमति पाएको मालिका इन्कर्पोरेटले अहिलेसम्म ५० हजारको सङ्ख्यामा लाइसेन्स छापिसकेको जानकारी दिएको छ । चालकको व्यक्तिगत विवरण र अन्य प्राविधिक समस्याले लाइसेन्स छपाइमा ढिला भएको इन्कर्पोरेटले बताएको छ ।

लाइसेन्स मागअनुसार वितरण गर्न नसकेपछि विभागले फेरि निजी कम्पनीलाई नै कार्ड छाप्ने अनुमति दिएको थियो । मन्त्रिपरिषद्को निर्णयअनुसार मालिका इन्कर्पोरेट प्रालिले छपाइ अनुमति पाएको हो । मालिकाले २० ओटा प्रिण्टरबाट दैनिक ४÷५ हजार कार्ड छापिरहेको छ । कम्पनीलाई ४५ दिनभित्र ५ लाख स्मार्ट लाइसेन्स छाप्ने अनुमति दिइएको छ । मालिकाले औपचारिक रूपमा छपाई शुरू गरेको दिनदेखि ४५ दिनसम्म ५ लाख कार्ड छाप्नु पर्नेछ ।

Leave A Reply

Your email address will not be published.