श्रीलंकाको संसदमा कुटाकुट !

0

शुक्रवार, कार्तिक ३०, २०७५

कोलम्बो । सभामुख करु जयासुरियाद्वारा हिजो बोलाइएको संसदको बैठकमा कुटाकुट भएको छ । सभामुखले प्रधानमन्त्री विहिन नरहेको जनाउने वित्तिकै सभामुखको माइक खोस्न लम्कीएका राजापाक्षे समर्थक संसद दिलुम अमुनसगाभालाई विक्रमासिंघे समर्थकले कुटेर लडाएको दृश्य सामाजिक संञ्जालमा आईरहेका छन् ।

धकेला धकेलमा लडेका सांसद दिलुमलाई लात्ताले हानदा उनी असपताल भर्ना गरिएका छन् । गत अक्टोबर २६ मा पूर्व प्रधानमन्त्री विक्रमासिंघेलाई राष्ट्रपति सिरिसेनाले बर्खास्त गर्दै राजापाक्षेलाई प्रधानमन्त्रीमा नियुक्त गरे सँगै श्रीलंकाको राजनीति नयाँ दलदलमा फस्न पुगेको हो ।

अल्पमतमा रहेका राजापाक्षेलाई संसदले नचिन्ने बताइरहेको समयमा राष्ट्रपतिले संसद भंग गरेका थिए । उनको आदेशलाई अदालतले उल्टाएसँगै संसदको बैठकले राजापाक्षे विरुद्ध मतदान गर्दै प्रधानमन्त्रीमा अस्विकार गरेको थियो । वर्तमान संसददले राजापाक्षेलाई प्रधानमन्त्री अस्विकार गरेको र विक्रमासिंघे सरकारलाई राष्ट्रपतिले बर्खास्त गरेका कारण हाल श्रीलंकामा बैधानिक प्रधानमन्त्री नरहेको सभामुख करु जयासुरियाको भनाई रहेको छ ।

संसदबाट अस्विकृत प्रधानमन्त्री राजापाक्षे समर्थक सांसदहरुको भनाई अनुसार राष्ट्रपतिले नयाा प्रधानमन्त्रीप् नियुक्त नगरेसम्म राजापाक्षे नै प्रधानमन्त्री रहेको जनाएका कारण विक्रमासिंघे र राजापाक्षे सांसदबीच कुटाकुट भएको जनाइएको छ ।

Leave A Reply

Your email address will not be published.