पुस्पलाल चोकमा बम राख्ने एक युवक पक्राउ

0

सागर थापा,३० कार्तिक २०७५
बाँकेको नेपालगञ्जमा बिहिवार बम राखेको अभियोगमा जाजरकोटको नलगाड ४ का २७ बर्षिय प्रदिप वली पक्राउ परेका छन् । जिल्ला प्रहरी कार्यालय बाँकेका प्रमुख प्रहरी उपरीक्षक अरुण पौडेलले पक्राउ परेका वली लामो समयदेखि भारतको सिम्लास्थित फैक्ट्रीमा मजदुरको रुपमा कार्यरत रहेको र त्यही बम बनाउन सिकेको पाइएको जानकारी दिए । प्रहरीले शुक्रबार पत्रकार सम्मेलन गरी उनलाई सार्वजनिक गरेको हो । वलीले अभियोग स्वीकार समेत गरेका छन् । प्रहरीले पुष्पलालचौकमा राखिएको सिसिटिभीको फुटेज तथा सुरक्षा निगरानीका आधारमा बम राखिएको एक घण्टाभित्र वलीलाई शंकाष्पद ब्यक्तिको रुपमा पहिचान गरी बम डिस्पोजल गर्नुभन्दा अगाडी नै पक्राउ गरिएको हो । नेपाल–भारतको सीमा नाकामा बम राख्ने उद्धेश्य भएपनि वलीले सुरक्षाका कारण पुष्पलालचौकमा राखेको बयान प्रहरी समक्ष दिएका छन् । सातबर्षअघि विहे गरेका वली श्रीमती छोडेर ६ महिनामै भारत प्रस्थान गरेका थिए । उनले उच्च माविको अध्ययन समेत पुरा गरेका छन् । पुष्पलालचौकमा बम राख्नुअघि उनी बसपार्कको एक होटलमा बसेको पाइएको छ । प्रहरीले वलीको साथबाट करिब ४२ हजार नगर सहित सीमकार्ड, नागरिकतासँगै कमाण्डो ग्रुप र हामी नेपाली हाम्रो नेपाल नामक लेटरप्याड लगायतका प्रचार सामाग्री समेत बरामद गरेको छ । वलीले आफुलाई समूहको अध्यक्षको रुपमा चिनाएका छन् ।

Leave A Reply

Your email address will not be published.