कपिलवस्तुका उखु कृषकले अनुदानको रकम पाएनन

0

सरकारले उखु किसानलाई बेवास्ता गरेको आरोप

माधव बेल्वासे
कपिलवस्तु चन्द्रौटा मंसिर २

कपिलवस्तुका उखु किसानहरु सरकारले दिने अनुदान नपाए पछि पुनः आन्दोलित भएका छन । आव ०७१।७२ मा सरकारले प्रति क्वीन्टल २५ रुपैयाको दरले दिने भनेपनी अहिलेसम्म नपाउदा किसानहरु आन्दोलित भएका छन । अनुदान पाउने रकम हाल सम्म पनि नपाएको भन्दै विभिन्न समयमा चरणवद्ध आन्दोलन गरेपनि आश्वासनकै भरमा आन्दोलन स्थगित गरेका किसानहरु फेरी आन्दोलन गर्ने चेतावनी दिएका छन ।कपिलवस्तुमा ७ हजार उखु कृषकले सो अनुदान पाउन सकेका छैनन । अन्य जिल्लाका किसानहरुले अनुदानको रकम पाएपनि कपिलवस्तु किसानले नपाएको उखु कृषक ओम प्रकाश चौधरी बताए । करिव ४ वर्ष भन्दा पहिले दिने भनेको रकम अहिले सम्म किन पाउन सकिएन ?किसानहरुलाई आस देखाएर नदिनु गलत भएको भन्दै सरकरले किसानहरुलाई तुरुन्तै अनुदान वापत रकम दिनु पर्ने किसानहरुको माग छ ।
कपिलवस्तुमा मात्रै करिव ढाई करोड रकम किसानहरुले पाउनुपर्ने रहेको भएपनि सम्पुर्ण प्रकृयाहरु पुरा गरेको भए पनि रकम पाउन नसकेको कपिलवस्तु किसान संघका अध्यक्ष अनुपकुमार चौधरीले वताए ।पटक पटक सरकारको ध्यानकर्षण गरेपनि अनुदान नपाएको चौधरीको गुनासो रहेको छ । सुगर मिलले कागजपत्रमा ढिलाई गर्दा लगाएतका कारण देखाउदै सो रकम नदिएको चौधरीले वताए ।
कपिलवस्तु किसान संघको आन्दोलनका कायर्कक्रमहरु अनुसार मंसिर २ गते आइतवार इलाका प्रशासन कार्यलय मार्फत सम्वन्धित मन्त्रालयलाई ज्ञापनपत्र समेत वुझाएका छन ।कृषकले र साउन २७ गते देखी धर्ना,अनसन लगाएतका आन्दोलनका कार्यक्रम गरेका थिए ।भदै एक १ गते कपिलवस्तु प्रमुख जिल्ला अधिकारी विभिन्न आवश्वासन दिदै अनसन कार्यक्रम स्थगित गराएको भएपनि किसानहरुले रकम नपाएपछी आन्दोलन गर्न वाध्य भएको अध्यक्ष चौधरीले वताए ।
शिवराज नगरपालिका वडा न ७ का वडा अध्यक्ष समेत रहेका चौधरीले मंसिर १८ गते सम्म रकम निकासा नभएमा १९ गते वाट पुन अनसन बस्ने चेतावनी दिएका छन ।त्यस्तै स्थानिय समाजेवी कृष्णकुमार चौधरीले किसानहरुको जिविको पार्जनको स्रोत नै उखु रहेको भन्दै वाकि रहेको रकमलाई सरकारले छिटै निकासा गर्नुपर्ने वताए ।
आईतवार ज्ञापन पत्र वुझ्दै इलाका प्रशासन कार्यलय चन्द्रौटा प्रमुख नर वहादुर खड्काले सम्वन्धि मन्त्रालयमा जानकारी गराई रकम निकासाको लागी पहल गर्ने आश्वासन दिएका छन ।

Leave A Reply

Your email address will not be published.