काँग्रेसले भन्यो “जनता भ्रममा राखेर सड्क उद्धघाटन झुटो”

0

टेकबहादुर शाही÷मँसिर ०२ दुनै,डोल्पा
हिमाली जिल्ला डोल्पा अझै पनि राष्ट्रिय सडक सञ्जालसँग जोडिने छैन । सड्क सञ्जालमा नजोडिदै सरकारले जाजरकोट दुनै सम्मको ट्रयाक सम्पन्न भएको भनेर भ्रामक रुपमा सड्क उद्धघाटन गर्न लागेको भन्दै नेपाली काँग्रेसले गम्भीर आपत्ती जनाएको छ ।
जाजरकोटबाट दुनै सम्मको सड्कको ट्रयाक खोल्ने काम हाल त्रिपूरोकाट अन्तरगत छलगाड सम्ममात्रै भएको र दुनै सम्म ट्रयाक नखुलेको भन्दै प्रेश बिञप्ती जारी गरेको नेपाली काँग्रेस जिल्ला समिति डोल्पाका सचिव जयनन्द उपाध्यायले जानकारी दिए ।
डोल्पाका जनताको शिक्षा,स्वास्थ्य,यातायात खाद्य जस्ता आधारभुत आबास्यक्तहरु राज्यले परिपूर्ति गर्न नसकेको अबस्थामा सरकारले जवरजस्ती डोल्पाली जनतालाइ लादेर लिने थालेको नेपाली काँग्रेस महासमिति सदस्य गौरिसँकर उपाध्यायले खेद प्रकट गरे ।
डोल्पा राष्ट्रिय सड्क सञ्जालमा जोडिएको छैन त्रिपूराकोटको छलगाडमा हुने जाजरकोट सड्कको ट्रयाक उद्धघाटनमा दुनै राखेर डोल्पा जिल्ला राष्ट्रिय सड्कमा जोडिएको भनेर डोल्पाली जनतालाइ भ्रममा राखेर उद्धघाटन गर्न गर्न लागेको भन्दै नेपाली काँग्रेस डोल्पाले आपत्ती सहितको प्रेश बिज्ञप्ती जारी गरेको नेपाली काँग्रेस डोल्पाले जानकारी दिएको छ
जनप्रतिनिधि र ठेकेदारले डोल्पाका जनतालाइ ठगेको बेलामा सरकार र नेपाली सेनाले समेत डोल्पाका सोझा जनतालाइ झुक्याएको नेपाल बिद्यार्थीँ सँघका केन्द्रयि सदस्य पूर्णबहादुर शाहीले आरोप लगाए ।
यहि मँसिर ४ गते जाजरकोट डोल्पाको दुनै सम्म ट्रयाक ओपनको काम सम्पन्न भएको भन्दै नेपाल सरकारका उपप्रधान तथा रक्षा मन्त्री ईश्वर पोखरेलले उद्धघाटन गर्ने कार्यक्रमको भब्य तयारी भै रहेको छ ।

त्रिपूराकोटको छलगाडमा हुने सड्क उद्धघाटनमा नेपाली काँग्रेस आबद्ध कुनैपनि कार्यकर्ता र भातृसँगठनहरु सहभागि नहुने र बिरोधका अन्य कार्यक्रम पनि सार्वजानिक गर्ने सचिब जयनन्द उपाध्यायले जानकारी दिए ।
डोल्पा जिल्ला राष्ट्रिय सड्क सञ्जालमा नजोडिदै सरकारले नै जोडिएको भनेर भ्रामक समाचारहरु प्रकाशित गरेको र ट्रयाक समेत आधा खोलीको अबस्थामा उद्धघाटन गर्न लागेको भन्दै डोल्पाका नागरिकहरु ४ दिन देखि बिरोधमा उत्रिएका छन ।
उता जाजरकोट डोल्पा सड्क खण्ड निर्माण दलका प्रमुख कर्णेल बिश्व बन्धु पाहाडीले भने शनिबार दुनैमा सहमती भै सकेकोले कुनैपनि बिरोधहरु नहुने बताएका छन । उनले भनेका छन दुनै सम्म सेनाले काम गर्छ भनेर बिश्वास दिएको बताए ।

Leave A Reply

Your email address will not be published.