प्युठान जिल्लामै सबैभन्दा वढी कर बुुझाउने करदाता सम्मानित

0

सागर रिजाल
प्युठान,३ मंसिर
सातौ राष्ट्रिय कर दिवसको अवसरमा प्युठानमा न्यु कक्षपति टे«डर्सका बाग्दुलाका सञ्चालक केदारमान कक्षपति सम्मानित भएका छन् । प्युठान जिल्लाको सबैभन्दा वढी कर बुझाउने करदाताका रुपमा उहाँलाई सम्मान गरिएको हो ।
सोमबार प्युठान उद्योग वाणिज्य संघको सभाहलमा आयोजना गरिएको करदाता सम्मान तथा अन्र्तक्रिया कार्यक्रमका अवसरमा कक्षपतीलाई सम्मान गरिएको हो । आन्तरिक राजस्व कार्यालय तुल्सिपुर दाङको आयोजना तथा प्युठान उद्योग वाणिज्य संघको सहआयोजनामा कार्यक्रम गरिएको थियो ।
न्यु कक्षपति टे«डर्सका सञ्चालक केदारमान कक्षपतिले सम्मानित पछि बोल्दै देशलाई समृद्ध बनाउनका लागि कर सबैले तिर्नुपर्ने बताए । उनले भने,‘करलाई व्यवहारिक रुपमा तिर्नुपर्छ । ’
मंसिर १ गते देखि तुल्सीपुरमा प्रभातफेरी, सरसफाई वृक्षारोपण गरि शुरु भएको करसप्ताह आईतबार रोल्पा र सोमबार प्युठानमा मनाईएको कर अधिकृत युवराज अधिकारीले जानकारी दिए । राज्य सञ्चालनको महत्वपूर्ण पक्ष कर हो । उनले भने,–‘करलाई करकापको रुपमा नलेई स्वतस्फुर्त तिर्ने वातावरण बनाउने उदेश्यले करसप्ताह मनाएका हौँ ।’
भौगोलिक विकटताले करदाता शिक्षा सञ्चालन गर्न नसकिएको आन्तरिक राजश्व कार्यालय तुल्सिपुरका प्रमुख कर अधिकृत लिला प्रसाद शर्माले बताए । उनले भने,–‘५५ हजार करदातालाई सेवा दिनुपर्ने भएकाले कर शिक्षा सञ्चालन गर्न नसकेका हौँ ।’ कर प्रणाली कम्प्युटर प्रणली अनुसार हुन्छ । उनले करदातालाई भने,–‘बैंकिङ सिस्टम अनुसार कर तिरे सजिलो हुन्छ ।’ यस आर्थिक वर्षमा ९ खर्ब राजश्व उठाउने लक्ष्य रहेको प्रमुख कर अधिकृत शर्माले बताए ।
करदाता शिक्षा सञ्चालन गर्नुपर्छ ः प्रजिअ
करदातालाई करको बारेमा जानकारी गराउँन करदाता शिक्षा अभियानको रुपमा सञ्चालन गर्नुपर्ने प्युठानका प्रमुख जिल्ला अधिकारी बद्रीनाथ गैहृेले बताए । करदाता सम्मान तथा अन्र्तक्रिया कार्यक्रमका प्रमुख अतिथि समेत रहेका प्रजिअले सरकारले जे कुरामा पनि कर लिन थालेको भन्ने हल्ला जनमानसमा पुगेकोले करदाता सम्म यसको बारेमा जानकारी दिन करदाता शिक्षा सञ्चालन गर्नुपर्ने बताए । उनले भने,‘स्थानिय स्तरमै पुगेर कर शिक्षा दिन जरुरी छ । ’ राज्यलाई करको माध्यमबाट समृद्ध बनाउनका लागि करको दर भन्दा करको दायरा वढाउनुपर्ने बताए । उनले भने,‘नेपाल सरकारको नीति, नियम अनुसार कर तिनुपर्छ ।’

Leave A Reply

Your email address will not be published.