कृषीजन्य वस्तुहरुको उत्पादकत्व बृद्धि गर्न कृषक पाठशाला

0

राम बहादुर बिश्वकर्मा,३ मंसिर २०७५

प्युठान /धान खेतिमामा लाग्ने विभिन्न रोगको निराकरण गर्दै एकीकृत शत्रुजिव व्यवस्थापन (आईपीएम) गर्ने उद्देश्यले भुसबाङ्ग आइपिएम कृषक पाठशाला सम्पन्न गरिएको छ

कारितास नेपालको सहयोग तथा फुलबारी एकीकृत ग्रामिण बिकास सस्थाको प्राबिधिक सहयोगमा प्युठान नगरपालिका १० मरन्ठाना डाडाबारिमा सम्पन्न गरिएको हो।
कृषकहरुले लगाउने गरेका विभिन्न वालीनालीहरुलाई तिनका शत्रुहरुबाट वाली कटानी अघि र पछि भैरहेको ठूलो नोक्सानी (२०–३०) लाई कम गरी दिगो रुपमा कृषिजन्य वस्तुहरुको उत्पादकत्व बृद्धि गर्ने राष्ट्रिय लक्ष्य अनुरुप उक्त पाठशालाहरु संचालन गरिएको हो ।प्युठान नगरपालिकाका प्रमुख अर्जुनकुमार कक्षपतिले पाठशालामा सहभागी किसानलाई प्रमाणपत्र हस्तान्तरण गर्दै अर्गानिक कृषि उपज उत्पादन गरेर नगरलाई कृषिमा आत्मनिर्भर बनाउन नगर लाग्ने बताउनुभयो। अब निर्वाहमुखी हुने होइन कक्षपतिले भन्नुभयो – व्यवसायिक उत्पादनमा लाग्नुहोस् । करितास नेपालका केन्द्रिय प्रबन्धक तेज बहादुर बस्नेतले देश लाई समृद्धि गराउनको लागी उद्दमशिलता बिकास सहित कृषिमा आत्मनिर्भर हुने गरी लाग्नुुपर्ने बताउनुभयो। उत्पादित जग्गा बाँझो हुनु र धेरैजसो भारतमा परनिर्भर हुनुपर्ने अवस्थाप्रति चिन्ता व्यक्त गरे।फुलबारी एकीकृत ग्रामिण बिकास सस्थाका अध्यक्ष गुणेन्द्र बस्नेतले कृषकहरुलाई सिप अनुसार उत्पादन तर्फ लाग्न आग्रह गर्दै यस्तो कार्यक्रम पुन सन्चालन गरिने जानकारी गराउनुभयो।

कृषक पाठशालाका अध्यक्ष कृष्ण बहादुर खड्काले बोल्दै यस्ता तालिमले खेर गएका स्रोतको सदुपयोग गरी आर्गानिक तरकारी उत्पादन गर्न सहयोग पुग्ने बताए ।

उनका अनुसार कृषक पाठशालामा मासिक रुपमा कृषकहरु भेला भएर तरकारी लगाउने तरीका, तरकारीको सुरक्षा, किटनाशक औद्यधिको प्रयोगका बारेमा छलफल गर्ने गरिन्छ ।

तालिम समापनको अवसरमा भुसबाङ्ग आई पि एम कृषक पाठशालाका सचिब सरस्वती के सि ले तालिममा भएका गतिविधिका बारेमा आफ्नो प्रतिवेदन प्रस्तुत गरेकि थिइन।

एकीकृत शत्रुजिव व्यवस्थापन (आईपीएम) कृषक पाठशाला सञ्चालनमा आएपछि कृषि उत्पादनमा बृद्धि भएको छ । मौसम अनुसार तरकारी लगाउने तरिका सिकाउने, तरकारीमा आएका समस्या समाधन गर्ने, विउँको उत्पादन गर्ने, कृषिमा आएको समस्यालाई समाधान जस्ता काम कृषक पाठशालामा गरिन्छ ।

आई.पी.एम. पाठशालाका सहभागीहरुले आफूले हासिल गरेका ज्ञान र सीपको प्रतिवेदन, नाटक र गीतहरुमार्फत आई.पी.एम. तरिकाबाट खेती गर्नाले हुने फाइदा र बेफाइदाबारे सन्देशमूलक प्रस्तुति राखेका थिए ।

पाठशालाहरुबाट झण्डै १०० जना कृषकहरु प्रत्यक्ष सहभागि रहेका जसमध्ये ७० प्रतिशत महिला सहभागि रहेको जनाईएको छ ।
जैविक कृषि उत्पादन र उत्पादन लागत घटाउनको लागि आई.पि.एम. कृषक पाठशालाले धेरै ज्ञान दिएको प्रतिकृया कृषकहरुले दिएका छन् ।

Leave A Reply

Your email address will not be published.