काग्रेस नेता सिंहले भने ‘बहुमतको सरकारले जनताको पक्षका काम गरेन’

0

सागर रिजाल
प्युठान,४ मंसिर ।
नेपाली कांग्रेसका पुर्व महामन्त्रि प्रकाशमान सिंहले २ तिहाइ बहुमतको कम्युनिष्ट्रको सरकारले जनताको पक्षमा काम गर्न नसकेको आरोप लगाएका छन् । मंगलबार प्यूठानको बाग्दुलामा प्रेस युनियनले गरेको पत्रकार भेटघाट कार्यक्रममा बोल्दै उनले समृद्ध नेपाल, सुखी नेपालीको नारा लिएर अगाडी वढेको सरकारले आम जनताको ज्युधनको सुरक्षा दिन नसकेको बताए । उनले भने,–‘न प्रशासन प्रभावकारी रुपमा सुचार छ न त आवश्यक ऐन नियम नै बनाएको छ नयाँ सरकारले ?’ सरकारले जनताका हितमा काम गर्न नसकेको भन्दै उनले बजेटमा भएको रकमलाई पनि खर्च नगरेको बताए । उनले भने,–‘विकास बजेट ८ प्रतिशत पनि खर्च हुन सकेको छैन ।’
भेटघाट कार्यक्रमका प्रमुख अतिथि समेत रहेका सिंहले शान्ति सुरक्षा पनि भ्रम सिर्जना गरेको बताए । केन्द्रिय सरकारले आवश्यक कानुन बनाउन ढिलो गरेकाले स्थानिय तहले प्रभावकारी रुपले काम गर्न नसकेको उनको भनाई छ । उनले भने,–‘नेपाली काग्रेस प्रतिपक्षमा बसी बहुमतको सरकारको निगरानी गरेको छ । ’
पार्टी नेतृत्व बदल्नुपर्छःः सिंह
कागे्रस नेता सिंहले पार्टी नेतृत्व बदल्न आवश्यक रहेको बताए । उनले पार्र्टीको सन्दर्भमा बोल्दै कांग्रेस, कांग्रेस जस्तो पार्र्टी नरहेको जिकिर गरे । पार्टी नेतृत्व समयको मागअनुसार अघि बढ्न नसकेको भन्दै उनले नेतृत्व परिवर्तनका लागि आफूहरुले अभियान सन्चालन गरेको बताए । उनले भने,–‘हामी विधि र प्रक्रिया र्पुयाएर नेतृत्व परिवर्तन गर्न चाहन्छौँ ।
यातायातको सिण्डिकेट, सुनकाण्ड जस्ता घटनाको संरक्षणमा सरकार नै लागेको कांग्रेस पूर्वउपप्रधानमन्त्री समेत रहेका सिंहले बताए । सबै विभागहरु प्रधानमन्त्री कार्यालय मातहतमा ल्याएर सरकारले जनवादी केन्द्रियताको चरित्र देखाए पनि नतिजा दिन नसकेको उनको बुझाइ थियो । तत्कालीन शेरबहादुर देउवा नेतृत्वको सरकारले जनताको चित्तबुझ्दो काम नगरेकै कारणले पार्टीले चुनावमा हार व्यहोर्नु परेको उनको निष्कर्ष थियो ।

Leave A Reply

Your email address will not be published.