संसद विकास कोषको रकम मनपरी विनियोजन गरेको भन्दै राजमोले गर्यो विरोध

0

माधव खनाल मंसिर–०५,अर्घाखाँची
संसद विकास कोषको रकम अर्थात स्थानीय पूर्वाधार साझेदारी कार्यक्रमको रकम विनियोजन नेपाल सरकारले तोकेको शर्त र कार्यविधि विपरित गरेको भन्दै राष्ट्रिय जनमोर्चा अर्घाखाँचीले विरोध जनाएको छ । कार्यविधि अनुसार आवधिक जिल्ला विकास योजना,जिल्ला सडक गुरु योजनामा नपरेका योजनाहरु दलगत स्वार्थमा विधि,प्रकृया र कानुन विपरित रकम विनियोजन गरेको,धार्मिक तथा संचार माध्यममाथी गम्भिर भेदभाव गरेको,जिल्लाको विकासमा रहंदै आएको राजनैतिक एकतालाई तिलान्जली दिएको जस्ता आरोप लगाउंदै राष्ट्रिय जनमोर्चाले विरोध जनाएको हो । राष्ट्रिय जनमोर्चाका जिल्ला अध्यक्ष थम्मन के.सी.ले एक प्रेस विज्ञप्ति जारी गर्दै निर्वाचनको सन्दर्भमा भएका भद्र सहमतीलाई समेत लत्याउंदै जिल्लाको समग्र विकासको निम्ती प्राथमिकतामा राख्नुपर्ने पर्यावरण,कृषि,पशुपालन,पर्यटन,युवा स्वरोजगार,महिला,दलित र अल्पसंख्यक जस्ता कार्यक्रम प्रति उपेक्षा गरि मनपरि बजेट विनियोजन गरिएको प्रति आफ्नो पार्टीको गम्भिर ध्यानाकर्षण भएको बताउनुभएको छ । जिल्लाका सबै नगर र गाउंपालिकालाई नसमेटिकन,केही दल र भुगोल बिशेषका योजना छनोटले जिल्लाको विकास नहुने भन्दै सबै क्षेत्रलाई समेटेर अति आवस्यकताको आधारमा योजना छनोट गर्नुपर्ने राष्ट्रिय जनमोर्चाको सुझाव रहेको छ ।अहिले बांडफांड गरिएका दल र भुगोल विशेष बिभेदकारी योजनालाई सच्याएर हिजोका भ्रद सहमतीलाई कार्यान्वयन गर्दै समग्र जिल्लाको हितमा सांसद विकास कोषको रकम खर्च गर्न अध्यक्ष के.सी.ले विज्ञप्तीमार्फत सरोकारवाला निकायलाई आग्रह गर्नुभएको छ ।योजना छनोट तथा बजेट बितरण प्रति नेपाली कांग्रेसले पनि बिरोध जनाएको छ ।पार्टी जिल्ला सभापति बिष्णु खनाल मुस्कानले बिज्ञप्ती जारी गर्दै एकलौटी ढङ्गले मनपरि तवरबाट योजना छनोट गरिएको भन्दै आपत्ति प्रकट गर्नुभएको छ । अर्घाखाँचीमा बिभिन्न योजनामा बांडफांड गरिएको संसद विकास कोषको ४ करोड रुपैंया रकम मा मनोमानी भएको भन्दै दुई राजनितिक दलले बिरोध जनाएको पत्रकार गोपाल भट्टराईले जानकारी दिनुभयो ।

Leave A Reply

Your email address will not be published.