मोहम्मद डे मनाइयो,सरकारले सार्वजनिक विदा नदिएको प्रती आक्रोस ।।

0

सनिउल्ला धोबी, कपिलवस्तु मंसिर ५,
नेपाल सरकारले मुस्लीमहरुको पर्वमा सर्वाजनिक विदा नदिएको भन्दै आक्रोष पोखेका छन । मुस्लीमहरुको धर्मगुरु हजरत मोहम्मद पैगम्मवरको जन्ममा विदा दिनु पर्ने माग गर्दै सरकारको आलोचना समेत गरेको छन । कपिलवस्तुको चन्द्रौटामा पैगम्बरको सम्झनामा निकालिएको र्यालीमा मूस्लीम अगुवाहरुले यस्तो माग गरेका हुन । नेपालमा करिब ४ प्रतिशत भन्दा बढी मुस्लीम बहुल्यता रहेको देशमा सर्वाजनिक विदा नदिनु सरकारले मूस्लीमहरुलाई अपहेलना गरेको जस्तो भएको समिम मुसलमानले बताउनु भयो । मुस्लीम अगुवा अकरम पठान भन्नु हुन्छ सरकारले हामीलाई दोस्रो दर्जाको नागरिकको रुपमा हेरेको छ । प्रदेश नं २ ले सर्वाजनिक विदा दियो तर ५ नं प्रदेशले हाम्रो मर्म बुझेन ।
कपिलवस्तुका मुस्लिम अगुवाहरुले मुस्लिम आयोग छिटै गठन गर्नुपर्ने, मोहम्मद जयन्तीमा सार्वजनिक विदा दिनुपर्ने, हज कमिटीलाई व्यवस्थित बनाउनुपर्ने, मदरसा अन्य सरकारी विद्यायालय सरह हुनुपर्ने लगायतका माग राखेका छन् । सरकारले मोहम्मद जयन्तीमा सार्वजनिक विदा दिने मुसलमान संयुक्त संघर्ष समितिसँग सम्झौता गरेपनि कार्यान्वयन नभएकामा उनीहरुले दुःख व्यक्त समेत गरेका थिए ।
नेपाल सहित बिश्वभरका मुस्लिम धर्मालम्वीले आज इस्लाम धर्मका प्रवर्तक हजरत मोहम्मद पैगम्बर सल्लाह अलैवसल्लामको १४४० औं जन्म जयन्ती मनाइरहेका छन् । हजरत मोहम्मदको जन्म इस्लामी पात्रो हिजरी सम्वतको रब्बीअव्वल महिनामा साउदी अरबको मक्कामा बिबि आमिनाको कोखबाट भएको बताइन्छ । उनको निधन ६३ वर्षको उम्मेरमा साउदीकै मदिनामा भएको थियो । मोहम्मदको जन्मदिनमा विभिन्न नाअत शरिफ वाचन गर्ने तथा उनका उपदेश र वाणीको स्मरण गर्ने गरिन्छ । कपिलवस्तुमा रहेका मुस्लिमहरुले हजरत मोहम्मदको जन्म दिनको अवसरमा बृहर्त यालीको आयोजना गरेका छन् ।
कपिलवस्तुको चन्द्रौटा, तौलिहवा, कृष्णनगर, महाराजगन्ज, बहादुरगन्जमा मुस्लिमहरुर्ले याली निकालेर मोहम्मद डे धुमधामका साथ मानाएको मौलना रमजान मन्सुरीले जनकारी दिए । र्।यालीमा उपस्थित मुस्लिम अगुवाहरुले मोहृममद डे को अवसरमा सरकारले सर्वाजानिक विदा दिनुपर्ने माग समेत गरेका थिए ।
नेपालमा सबै भन्दा बढी मुस्लीम बहुल्यता भएको जिल्ला रौतहटमा १ लाख ३५ हजार २ सय ८३, मुस्लीम रहेका छन त्यस्तै दोस्रोमा कपिलवस्तुमा १ लाख ३ हजार, ८ सय ३८, र तेस्रो बाके जिल्लामा ९३ हजार २ सय ६३ मुस्लीम रहेको छन । अहिले नेपालको ७७ वटै जिल्लामा मुस्लीमको बासोबास रहेको मुस्लीम आयोगले जनाएको छ ।

Leave A Reply

Your email address will not be published.