प्युठान उद्योग वाणिज्य संघको कार्यसमितिमा २ सदस्य निर्वाचित, चुनावी सरगर्मी वढ्यो

0
सागर रिजाल
प्युठान, ५ मंसिर
प्युठान उद्योग वाणिज्य संघको निर्वाचन प्रक्रिया औपचारिक रुपमा शुरु भएको छ । बुधबार बस्तुगत सदस्य र एसोसियड सदस्यबाट २ जना जिल्ला कार्यसमिति सदस्य निर्वाचित भएका छन् । बस्तुगत सदस्य तर्फ हार्डवयर व्यवसायिक संघका प्रतिनिधि सुर्यचन्द खनाल निर्वाचित भएका छन् । हार्डवयर व्यवसायकि संघका प्रतिनिध खनाल निमार्ण व्यवसायि संघ, सुनचाँँदी व्यवसायी संघ, पुस्तक व्यवसायि संघ र निमार्ण व्यवसायिक संघको समर्थनमा निर्वाचित भएका हुन् । उनका प्रतिदन्दी होटल व्यवसायिक संघका प्रतिनिधि चन्द्रलाल न्यौपानेलााई स्वर्गद्धारी यातायात व्यवसायिक समिति र फलफुल व्यवसायिक समितको समर्थन रहेको थियो ।
त्यस्तै प्युठान उद्योग वाणिज्य संघको कार्यसमिति सदस्यमा एसोसियड सदस्य तर्फबाट सगरमाथा,पञ्चरत्न गुप्र प्रणालीका झविन्द्र शर्मा निर्वाचित भएका छन् । प्युठान उद्योग वाणिज्य संघको अधिवेशन बुधवार देखि शुरु भएको छ । ९ बजार ईलाकाको अधिवेशनबाट ईलाका कार्यसमिति र जिल्ला प्रतिनिधी चयन हुने छन् । मंंसिर २९ गते हुने जिल्ला निर्वाचनले जिल्ला नयाँ कार्यसमिति चयन गर्नेछ । संघको नेतृत्वको लागि जिल्लाका प्रतिष्ठित व्यपारी तथा हाँलका वरिष्ठ उपाध्यक्ष केदारमान कक्षपति चर्चामा रहेका छन् ।

Leave A Reply

Your email address will not be published.