जनताले तिरेको करको सदुपयोग हुन जरुरी छ ःप्रमुख कर अधिकृत न्यौपाने

0

माधव खनाल
मंसिर–६,अर्घाखाँची
आन्तरीक राजस्व कार्यालय कृष्णनगरका प्रमुख कर अधिकृत पुर्ण प्रसाद न्यौपानेले देशको विकास र समृद्धिको आधार नै कर भएको बताउनुभएको छ । भाषणले मात्रै समृद्धि नआउने भन्दै उहांले सरकारले करको सहि सदुपयोग र सबै ब्यावसायीले राज्यलाई कर तिरेमा मात्रै मुलुक समृद्ध हुने जिकिर गर्नुभएको छ ।“कर समृद्ध नेपाल,सुखी नेपाली भर”भन्ने मुल नाराका साथ मनाइराखिएको ७ औं राष्ट्रिय कर दिवसको सन्दर्भमा अर्घाखाँचीको सन्धिखर्कमा आयोजित अन्तरक्रिया कार्यक्रमलाई सम्बोधन गर्दे प्रमुख कर अधिकृत न्यौपानेले यस्तो बताउनु भएको हो । कृष्णनगरमा कर बुझाउन जांदा कर्मचारीले अनावस्यक दुःख दिने गरेको व्यावसायिको गुनासोलाई सम्बोधन गर्दै अधिकृत न्यौपानेले हिजोका दिनमा केही त्रुटी भएपनि अहिले कार्यालयले मुस्कान सहितको सेवा सुरु गरेकाले अब अनावस्यक दुःख पाउनुपर्ने अवस्था नरहेको दाबी गर्नुभएको छ । गल्ती नभएमा कोहीपनि कसैसंग डराउनु नपर्ने भन्दै उहांले प्रत्येक व्याबसायिको राज्यले शुक्ष्म अनुगमन गरीरहेकोले गल्ती गर्नेलाई भने कानुनले नछाड्ने बताउनु भएको छ । कार्यक्रममा सन्धिखर्क नगर प्रमुख कमल प्रसाद भुसालले पछील्लो समय स्थानिय सरकारले कर बृद्धि गरेको अफवाह फैलाउन केही मिडिया लागि परेको आरोप लगाउंदै सन्धिखर्क नगरले जनताको चित्त बुझ्ने गरि नियम संगत कर लिएको दाबी गर्नुभएको छ ।अर्घाखाँची उद्योग बाणीज्य संघका अध्यक्ष युबराज श्रेष्ठको अध्यक्षता,बरीष्ठ उपाध्यक्ष नेत्र प्रसाद भुसालको स्वागत मनतव्य र महासचिब प्रदिप मिश्रको सन्चालनमा सम्पन्न कार्यक्रममा प्रमुख जिल्ला अधिकारी खिमराज भुसाल,छत्रदेब गाउँपालीका प्रमुख लेखनाथ पोख्रेल,कर अधिकृत गेहेन्द्र प्रसाद गिरी लगायतले शुभकामना मनतव्य राख्दै कर नै तिर्दिन भन्नु राज्यलाई माया गर्दिन भन्नु उस्तै भएकोले सरोकारवाला सबैले उचित कर तिर्दा गर्व गर्नुपर्नेमा जोड दिनुभएको छ । कार्यक्रममा सहभागि भएका विभिन्न उद्योगी व्याबसायिहरुले आफुहरु कर तिर्दा भन्दापनि तिरेको कर राज्यका नेतृत्वकर्ताले दुरुपयोग गरेकोमा दुःख लागेको गुनासो गरेका थिए ।

Leave A Reply

Your email address will not be published.