तिहारमा खेलेको देँउसीको रकम बिद्यालयलाई सहयोग

0

टेक बहादुर पुन
मँसीर ६ लमही । दिपावलीको अबसरमा अायोजना गरिएको देँउसी भैलो कार्यक्रमबाट उठेको रकम त्रीशक्ती प्राथमिक बिद्यालय लमही नगरपालिका ७ कप्तानगञ्जलाई अाज हस्तान्तरण गरिएको छ । त्रिशक्ती बिद्यालय ब्यबस्थापन समिती र स्थानिय ब्यक्तित्वहरुको अायोजनामा खेलिएको देँउसीबाट उठेको उन्पचास हजार, चारसय छियालिस रुपैया सहयोग गरिएको हो । त्यस्तै दस हजार एकसय एघार रुपैया बराबरको कपी, पेन्सिल, झण्डा, दराज लगायतका सामान हस्तान्त्रण गरिएको हो । सोही अबसरमा लमही नगरपालिका वडा नम्बर ७ का वडा अध्यक्ष मोहन गिरिले १० हजार १ सय, वडा ९ का वडा अध्यक्ष भेष बहादुर केसी ‘रमेश’ ले ५ हजार, नव जागरण युबा तथा बाल क्लब लमही नपा ७ कप्तानगञ्जले ५ हजार, समाजसेवीहरु खड्क बहादुर वलीले नगद १५ सय र अोबिलाल खत्रीले ३ वटा कुर्ची स्कुल लाई सहयोग गर्नुभएको हो ।

त्रिशक्ती बिद्यालय ब्यबस्थापन समितीका अध्यक्ष खिम बहादुर घर्तीको शभापतित्व तथा लमही नपा वडा ७ का वडा अध्यक्ष मोहन गिरीको प्रमुख अातिथ्य एबम वडा ९ का वडा अध्यक्ष भेषबहादुर केसीको विशिष्ट अातिथ्यमा सम्पन्न कार्यक्रममा बोल्ने बक्ताले बिद्याको मन्दिर स्कुल लाई सबैले सहयोग गर्नुपर्ने बताएका थिए । प्रमुख अतिथी गिरीले लमही नपा ७ कै इज्जत बोकेको यस त्रिशक्ती प्राबीलाई सदैब अाफुले सहयोग गर्ने बताएका छन् । गत शैक्षिक सत्रदेखी सञ्चालनमा अाएको यस स्कुलमा अहिले १७ जना बालबालिका अध्ययनरत छन ।
स्कुल बिद्यालय ब्यबस्थापन समितीका सदश्य भरतलाल चौधरीको स्वागत मन्तब्यबाट शुरु भएको कार्यक्रममा नवजागरण युबा तथा बाल क्लबका अध्यक्ष दुर्गेश घर्ति, कर्रि सामुदायिक बन बनघुस्रीका अध्यक्ष किशोर कुमार घर्ती, नेपाली काँग्रेसका क्षत्रिय सदश्य तिलकराम केसी लगायतका बक्ताले शुभकामना मन्तब्य ब्यक्त गरेका थिए । कार्यक्रमको सञ्चालन सँचारकर्मी टेक बहादुर पुनले गरेका थिए ।

Leave A Reply

Your email address will not be published.