विद्युत सर्ट भई उद्योगमा आगलागी , करिब ६५ लाखको क्षती

0

सागर रिजाल
प्युठान,६ मंसिर ।
प्युठान नगरपालिका–७ पुण्यखोला स्थित सुप्रिया सिरक डसना र मिल उद्योगमा विद्युत सर्ट भई आगलागी भएको छ । विहिवार दिउसो २ बजेतिर उद्योगमा आगलागी भएको हो । आगलागी हुदाँ करिब ६५ लाख बराबरको क्षती भएको उद्योगका सञ्चालक प्रदिप केसीले बताए ।
उनका अनुसार निमार्ण गरिएका सिरक डसना, सिरक डसना बनाउन आवश्यक कच्चा पदार्थ, निमार्ण गर्ने मेसिन, मिल नष्ट भएका छन् । साथै घरको विस मुरी धान संगै पिसाउन , कुटाउन लिएको ५ मुरी जति धान, मकै, गहुँ जलेर नष्ट भएको केसीले जानकारी दिए । उद्योगमा लागेको आगो स्थानिय, शसस्त्र र आर्मीले नियन्त्रणमा लिएको स्थानियले बताए । केसीले विगत ३ वर्ष अघि देखि एदोग सञ्चालन गर्दै आएका थिए ।

दमकलको लापरवाही
आगलागी नियन्त्रण हुन ढिलाई भएको छ । दिउँसो २ बजे लागेको आगो १ घण्टापछि मात्र नियन्त्रणमा आएको थियो । आगलागी भएको स्थान नजिकै शसस्त्र क्याम्पमा भएको दमकल जान ढिला गरेको थियो । स्थानिय ईन्द्र बहादुर घर्तिले भने ,–‘ दमकल आगो निभाउन आउँछ भनेका थियौ, निभाएर भिउँदा पानी विना आएको थियो । ’ दमकललाई आगलागी हुदाँ वित्तिकै खबर गरको उनले बताए । उनले भने,‘ खबर हुदाँ साथ दमकल आएको भए सबै क्षती हुने थिएन । ’

Leave A Reply

Your email address will not be published.