राप्ती नदीमा एकैसाथ तीनवटा पक्की पुल बन्दै

0

कार्य प्रगती सन्तोषजनक, बजेट अभावमा समस्या
दिवाकर पोख्रेल
देउखुरी, मंसीर ३ गते । दाङ देउखुरी स्थित राप्ती नदीमा एकै साथ तीनवटा पक्की पुल निर्माण कार्य भइरहेको छ । राप्ती गाउँपालिकाको सिसहनियाँ बाट गढवा गाउँपालिकाको महदेवा जोड्ने पक्की पुल निर्माण कार्य तिब्र गतिमा भइरहेको छ । नेपालकै दोस्रो लामो पक्की पुलको रुपमा बन्दै गइरहेको आठ सय ६० मिटर लामो पुल बनेपछि राप्ती गाउँपालि र गढवा गाउँपालिकामा आवत जावतमा सहज हुनेछ ।
अनक कन्ट्रक्सन प्रालिले सिसहनियाँ महदेवा र लमही नगरपालिको जहरे देखि राजपुर गाउँपालिका जोडन गरी दुइवटा पक्की पुल एकैसाथ निर्माण गरेको छ । भने लमही नगरपालिकाको हस्नापुर देखि राजपुर गाउँपालिको गैरा जोडने पक्की पुल निर्माणको काम तुन्दी कन्ट्रक्सन प्रालिले गरिरहेको छ । दुबै निर्माण कम्पनीलले सन्तोषजनक रुपमा काम गरिहेको सरकारी निकायले दावी गरेको छ । अनकले कन्ट्रक्सनले सिसहनियाँ र जहरे गरि कुल एक अरब २० करोडमा दुइवटा पुल निर्माण गर्नेछ । तर यस आर्थिक बर्षमा जम्मा दुइ करोड मात्र्रै बजेट विनियोजन भएको छ । तुन्दी कन्ट्रक्सन प्रालिले यस बर्ष ५० करोडको हस्नापुर, गैरा जोड्ने पुल बनाइरहंदा यस आर्थिक बर्षमा उक्त पुलको लागि जम्मा १८ लाख रुपैयाँ बजेट विनियोजन भएको पुल योजना सेक्टर नम्बर ३ नेपाल गंजका योजना प्रमख सुनिबाबु पन्तले जानकारी दिनुभयो ।
निर्माण कम्पनीले सन्तोषजनक रुपमा काम गरेको बताउने उहाँले रकम अभाव कारण समयमै पुल निर्माण गर्नमा समस्या परेको बताउनुभयो । हामी संग बजेट प्रायाप्त बजेट छैन,काम गर्न र बजेट निकासा गर्न पहल भइरहेको छ, योजना प्रमुख पन्तले भन्नुभयो । कार्यालय भरी जम्मा १९ करोडको हाराहारीमा बजेट रहेको जानकारी दिदै आयोजना प्रमुख पन्तले काम समयमै सम्पन्न भए भुक्तानी गर्न बजेट अपुग हुने खुलासा गर्नुभयो ।
निर्माण कम्पनीहरुले भने आफूहरुले तोकिएकै समयमा निर्माण कार्य सम्पन्न गर्ने दावी गरेका छन् । तुन्दी कन्ट्रक्सन प्रालिका साइड इन्चार्ज सुमन मिश्रले नदिले धार परिवर्तन गर्दा अहिले समस्या भएपनि अब कामको गति बढ्ने बताउनुभयो । समय धेरै लाग्ने कामहरु भइसकेको छ । अब मेसीनहरु पनि थप्ने काम भएको छ,हामी तोकिएको समयमै सक्छौ, मिश्रले भन्नुभयो ।
लमही नगरपालिका हस्नापुर देखि राजपुरको गैरा जोड्ने निर्माणाधिन पक्की पुल । तस्बिरः दिवाकर पोख्रेल

Leave A Reply

Your email address will not be published.