ओभरलोडका ट्रीपर माथि प्रहरीको एक्सन!( फोटो फिचर)

0

सलिम अन्सारी, प्युठान, ७ मंसिर । क्षमता भन्दा बढी भार बोकेर सडकमा गुडेका ट्रीपर माथी प्युठान प्रहरीले कारबाही सुरु गरेको छ।
बढी कमाउने उद्देश्य लिई ओभरलोड हालेर सडकमा होडबाजी गर्दै सवारी गुडाउँदा दुर्घटना बढेको, सडकको आयु ह्रास हुँदै गएको र वातावरणमा समेत प्रतिकूल प्रभाव परेको भन्दै कारवाही प्रक्रिया अघि बढाइएको प्युठान प्रहरी प्रमुख एवंम प्रहरी नायब उपरीक्षक निर्मल बुढाथोकीले बताए ।

क्षमता भन्दा बढी भारका सवारीलाई पटक पटक नियन्त्रण गर्न आग्रह गरेपनि समस्यामा कमी नआएपछि यस्तो कदम चालिएको डिएसपी बुढाथोकीको भनाई छ । “ओभरलोड हालेर सडकमा टिपर नगुडाउन चुनढुंगा कम्पनीलाई धेरैपट्क सम्झायौ” उनले भने “कम्पनीले सुझाब ग्रहण गरेन।” जिल्लाको नौबहिनी गाउपालिकाको लुप्लुङमा शुभश्री अग्नि सिमेन्टले संचालन गरेको चुनढुंगा खानिबाट चुनढुगा बोक्ने सवारी साधनमाथि कारवाही थालेको उनले बताए । अधिकाश टिपरले आवास्यक कागजपत्र समेत नबोकेको पाईयो उनले भने। ट्राफिक नियम विपरीत संचालन भएका सवारीप्रति प्रहरीले निगरानी बढाएको हो।

प्युठान प्रहरीले नियम उलङ्घन गर्ने १० वटा टिप्परलाइ नियन्त्रणमा लिई आवश्यक कारवाही गरी छाडेको छ ।प्युठानभालुवाङ सडक खण्ड्अन्तर्गत दक्षिणी प्युठानको बडडाडा र दर्भानमा ओभरलोडका टिप्पर रोकेर सडक किनारामै चुनढुंगा अनलोड गर्न लगाईएको हो। “यो प्रहरीको पहिलो एक्सन हो।”डिएसपी बुढाथोकीले भने “टिप्पर चालकलाइ समेत ट्राफीक नियम पालना गर्न र ओभर लोड हालेर सवारी नकुदाउन ब्रीफ्रीङ गरेका छौ।”

कालोपत्रे प्युठान भालुवाङ मुख्य सडकखण्डमा दिनहु दर्जनौ टिप्परहरु चुनढुंगा बोकेर आउजाउ गर्छन ।टिप्परहरुले क्षमता भन्दा दोब्बर सम्म लोड बोक्दा दुर्घटनाको जोखिम सँगै सडकको अबस्था समेत नाजुक बन्दै गएको छ । टिप्परको ओभरलोडले सडक जीर्ण बन्दै गएको स्थानीयको आरोप छ ।
“जती धेरै बोक्न सक्यो साहुलाई फाईदा हुन्छ, हामी त चालक हो के गर्ने? “सबै टिप्परहरु क्षमता भन्दा धेरै बोक्दै आएका छन् एक चालकले भने ।” “एक्साभेटरले जती हाल्दिन्छ त्यति बोक्ने त हो।”

Leave A Reply

Your email address will not be published.