दार्चुला मिनिवस दुर्घट्ना अप्डेट:गम्भिर घाइते ७ जनालाई सेनाको हेलिकप्टरबाट कोहलपुर पठाइयो

0

दार्चुला मंसिर ०७
मिनिबस दुर्घट्ना गम्भिर घाइते भएका ७ जनालाई नेपाली सेनाको हेलिकप्टरबाट थप उपचारका लागी कोहोलपुर मेडिकल कलेज नेपालगञ्ज लगिएको छ । शुक्रबार दिउसो १ बजे तिर काठमाण्डौँबाट आएको नेपाली सेनाको हेलिकप्टरबाट गम्भिर घाइते ७ जनालाई थप उपचारका लागी कोहोलपुर पठाएको जिल्ला प्रहरी कार्यालय दार्चुलाका सुचना अधिकारी हिक्मत बहादुर बोहराले जानकारी दिए ।
दुर्घटनामा परी गम्भिर घाइते भएका लेकम गाउँपालिका–४ खरकडाकी ३५ वर्षिय लक्ष्मी कुवर, मालिकार्जुन गाउँपालिका ८ पस्तीका वर्ष का १५ भुपेन्द्र धामी, लेकम गाउँपालिका ४ खरकडाका ३२ वर्षिय दौलत सिह कुवर, मालिकार्जुन ८ पस्तीका २८ वर्षिय रमेश सिह धामी, पस्तीकै वर्ष ३० का धिरेन्द्र धामी, लेकम ४ का २५ वर्षिय लक्ष्मी कुवर र भारतको पिथौरागढ जिल्ला अस्कोट घर भएकी वर्ष ३५ की मञ्जु पाललाई थप उपचारका लागी सेनाको हेलिकप्टर मार्फत कोहोलपुर पठाएको उनले जानकारी दिए । पिथौरागढ जिल्ला अस्कोट घर भएकी ३५ वर्षिय मञ्जु पाल सोही दुर्घटनामै मृत्यु भएका अनिल पालकी श्रीमती हुन् ।
मालिकार्जुन गाउँपालिकाको मालिकार्जुन मन्दिरमा जात्रा हेर्न गएका मानिस बोकेर जिल्ला सदरमुकाम खलंगा तर्फ आइरहेको म १ ख ४३६ नम्बरको मिनिबस शुक्रबार विहान पौने ५ बजेतिर गाउँपालिकाको वडा नम्बर ३ तेर्छालेक भन्ने स्थानमा दुर्घटना ग्रस्त भएको थियो । दुर्घटनामा परी भारतको पिथौरागढ जिल्ला अस्कोट बस्ने वर्ष ४० का अनिल पालको घट्ना स्थलमै मृत्यु भएको प्रहरीले जनाएको छ ।
दुर्घटनामा परी लेकम गाउँपालिका ४ का वर्ष ३३ का राम सिह बस्नेत, सोही ठाउँ बस्ने वर्ष ३३ कै जानकी बस्नेत, सोही ठाउँकै नरेश सिह, लेकम गाउँपालिका ४ की रेवती बस्नेत लेकम गाउँपालिका–५ का ३२ वर्षिय नरेश बोहरा, मालिकार्जुन गाउँपालिका–८ मेलखेतका १८ वर्षिय नगेन्द्र पन्त, मेलखेतकै १३ वर्षिय लक्ष्मण पन्त, मालिकार्जुन ८ पस्तीका ३५ वर्षिय गोपाल धामी, पस्तीकै २४ वर्षिय चन्द्र पन्त, अपिहिमाल गाउँपालिका ६ का २५ वर्षिय मंगल महता सामान्य घाइते भएको उनले जानकारी दिए ।
विहीबार राती मालिकार्जुन मन्दिरको जात्रामा गएका मानिसहरुलाई बोकेर खलंगा आइरहेको मिनिबस मालिकार्जुन गाउँपालिका ३ ऐरिछाना भन्ने स्थानमा सडकबाट तिन सय मिटर तल खसेको थियो । घाइतेलाई घट्नास्थल बाट नेपाल प्रहरी, सशस्त्र प्रहरी नेपाली सेना र स्थानीयले उद्धार गरि अस्पताल पुर्याएका थिए । गएराती मालिकार्जुन मन्दिरमा ठूलो जात्रा लागेको थियो । जात्रा हेरेर घर फर्कि रहेका मानिसलाई बोकेर सदरमुकाम खलंगा आउने क्रममा बस दुर्घटना भएको हो । दुर्घटनाको कारण भने खुल्न सकेको छैन् ।

Leave A Reply

Your email address will not be published.