किसानलाई उद्यमी बनाउँदै सहकारी

0

यान्त्रिकरण देखि विउविजन केन्द्रको रणनीतिक योजना

दिवाकर पोख्रेल
देउखुरी, मंसिर ७ गते । राप्तीनदीले कटान गरी बचेको खाली जग्गामा बगरखेति मार्फत सफलता कमाएको उद्यमशिल कृषि बहुउद्धेश्यि सहकारी संस्थाले स्थानीय किसानको आयस्तर बढाउने खालका किसानमुखी कार्यक्रम ल्याएको छ । बगरखेति र डेरी परियोजना गरि सात सय बढी किसान प्रत्यक्ष आवद्ध भएको सहकारी संस्थाले कृषकहरुलाई समुह निर्माण गरि कृषि क्षेत्रमा सहयोग गर्दै आइरहेको हो । राप्ती गाउँपालिका, गढवा गाउँपालिका र लमही नगरपालिका क्षेत्रको राप्तीको बगरमा खेति गर्ने किसानहरुले एक सय वटा कृषक समुह निर्माण गरेका छन् । जर्मन सरकारको सहयोगमा निर्वाहमुखी तरकारी खेति गर्दै आइरहेका किसानहरुलाई सहकारी संस्थाले स्थानीय एक भन्दा बढी किसान लाई पुर्ण ब्यवसायिक बनाउन सफल भएको हो ।
बिगत १० बर्ष देखि बगरमा तर्कारी खेति गर्दै आउनु भएका लमही नगरपालिका देसुराम चौधरीको जीवन नै परिवपर्तन भएको छ । पहिले सामान्य घरमा खानको लागि मात्रै तरकारी उत्पादन गर्ने देसुरामले अहलिे बार्षिक तरकारी वाटै आठ लाख आम्दानी गर्दै आउनु भएको छ । सहकारीले हाम्रो खेति गर्ने तरिका नै परिवर्तन गरिदियो, निर्वाहमुखी तरकारी खेति गर्ने म व्वयसायिक रुपमा खेति गर्ने भएको छु, चौधरीले भन्नुभयो । उद्यमशिलकै सहयोगमा देसुराम जस्ता व्यवसायिक एक सय भन्दा बढी किसानले देउखुरीका विभिन्न स्थानमा बगरखेति गर्दै आइरहेका छन् ।
उद्यमशिल कृषि बहुउदेश्यीय सहकारी संस्थाले किसानले उत्पादन गरेको कृषि जन्य बस्तुको सहज विक्री गर्ने उद्देश्यका साथ देउखुरीमा तरकारी बजारको स्थापना गर्ने पहल थालेको संस्थाका अध्यक्ष दिलिपराज खनालले जानकारी दिनुभयो । कृषकहले उत्पादन गरेको बस्तुलाई डुलाएर वेच्न नपरोस भनेर कृषि बजार स्थापना गर्ने योजना बनाएका छौ, खनालले भन्नुभयो । यस्तै सहकारीले कृषिजन्य विउविजनको विक्री केन्द्र स्थापना गर्ने,समुहमा आवद्ध भएका किसानलाई यान्त्रिकरणमा जोड दिदै चक्लाबन्दी खेति संचालन गर्न जोड दिने कार्यक्रम ल्याएको छ ।
सहकारी संस्थाका व्यवस्थापक विश्वराज अधिकारीले सहकारी संस्थाले किसानलाई उत्पादन गर्ने तरिका देखि विक्री वितरणको व्यवस्था गर्ने सम्मको कार्यक्रम ल्याएको जानकारी दिनुभयो । दिर्घकालिन योजना साथ लागि परेका छौ, किसानले उत्पादन गरेका कुनैपनि कृषिजन्य सामाग्री खेर जान नदिने गरि काम गर्दैछौ अधिकारीले भन्नुभयो ।
किसानलाई उद्यमी बनाउँदै गरेको उद्यमशिल कृषि बहुउद्धेश्यि सहकारी संस्था । तस्बिरः दिवाकर

Leave A Reply

Your email address will not be published.