कफि खेतीका लागि अर्घाखाँचीका ३२ ठाउं सिफारिस

0

माधव खनाल
मंसिर–०८,सन्धिखर्क
अर्घाखाँची जिल्लाका ६ वटै स्थानीयतह लाई कफि पकेट क्षेत्र घोषणा गर्न सिफारिस गरिएको छ ।प्रधानमन्त्री कृषि आधुनिकीकरण परियोजना परियोजना कार्यान्वयन व्यबस्थापन इकाइ ललितपुरको आयोजनामा सन्धिखर्कमा सम्पन्न कफि सुपरजोन कार्यक्षेत्र निर्धारण समितिको बैठक मार्फत ६ वटै स्थानियतहका ३२ ठाउंलाई कफी पकेट क्षेत्र घोषणाका लागि सिफारिस गर्ने निर्णय भएको हो ।अर्घाखांचीमा व्याबसायिक कफि खेतीको विकास र बिस्तारका लागि सिफारिस गरिएको हो।जिल्ला समन्वय समिति अर्घाखाँचीका प्रमुख पिताम्बर शर्माको अध्यक्षता,परियोजना केन्द्रिय कार्यालयका कृषि सचिव,कृषि ज्ञान केन्द्र गुल्मीका प्रमुख चक्रपानी पन्थी लगायतको बिशेष उपस्थिति र तरकारी जोन अर्घाखाँचीका थ्रिलाल गैरेको संचालनमा सम्पन्न बैठकले सितगंगा नगरका सुवर्णखाल,सितापुर,ठाडा,जुकेना,सन्धिखर्क नगरका साबिक सन्धिखर्क गा.वि.स.,वाङ्गला किमडांडा,खांचिकोट,नरपानी,अर्घा,डिभर्ना र भुमिकास्थानका ढाकावाङ्ग,धारापानी,खिल्जी,असुरकोट,नुवाकोट,ढिकुरा, धनचौरलाई सिफारिस गरिएको छ ।यस्तै मालारानी गाउंपालिकाका खन,हशंपुर,गोखुङ्गा,पश्चिम मरेङ्ग,बांगी,छत्रदेव गाउंपालिकाका ठुलापोखरा,पूर्वि मरेङ्ग,बल्कोट,केरुङ्गा,छत्रगन्ज,भगवती र पाणिनि गाउंपालिकाको पटौटी,पणेना र अड्गुरीलाई कफि पकेट क्षेत्र घोषणा गरि व्याबसायिक खेती गर्ने निर्णय भएको जनाइएको छ ।कृषि ज्ञान केन्द्र अर्घाखाँची,तरकारी जोन अर्घाखाँचीमा आवद्ध कर्मचारी र अन्य सरोकारवालाहरु सहभागिता कार्यक्रममा सन्धिखर्क नगरपालिकाका नगर प्रमुख कमल प्रसाद भुसाल,भुमिकास्थान नगर प्रमुख रेशम थापा,मालारानी गाउंपालिका प्रमुख बालकृष्ण आचार्य,छत्रदेव गाउंपालिका प्रमुख लेखनाथ पोख्रेल लगायतले मन्तव्य राख्दै अनुदान ल्याउने र खाने प्रवृतिको अन्त्य गरि माटो सुहाउंदो व्याबसायिक कृषिमा लाग्नेलाई हर सम्भव सहयोग गर्ने प्रतिबद्धता ब्यक्त गर्नुभएको छ । यस्तै कार्यक्रममा जिल्लामा व्याबसायिक कफि खेती गर्दै आउनुभएका पुश्कर बन्जाडे,कृष्ण प्रसाद पाण्डे लगायतलेपनि आ–आफ्ना अनुभव सुनाएका थिए ।

Leave A Reply

Your email address will not be published.