राष्ट्रपतिलाइ गाडी खरिद गर्न पशुपतीमा ‘एक रुपैयाँ’भिख माग्दै युवा

0

शनिबार, मंसिर ८, २०७५

काठमाडौं । राष्ट्रपति विद्या देवी भण्डारीलाई १८ करोडको गाडी किनेको विरोधमा काठमाण्डौमा साकेतिक बिरोध गरिएको छ। सामाजिक संजालमा सक्रीय युवाहरुले शनिवार पशुपति मन्दिर परिसरमा पुगेर राष्ट्रपतीका लागी भिख मागेका छन् । उनीहरुले “दान गर्नुहोस् पुन्य कमाउनुहोस्” भन्दै पशुपति बनकाली क्षेत्रमा बसेर दर्शनार्थी, बटुवा, बालबालिका, बुढाबुढी सबैसँग भिख मागेका हुन् ।शनिबार बिहान ११ बजेदेखि उनीहरुले दुई घण्टासम्म भिख मागेर २३ सय ५० रुपैयाँ संकलन गरेका छन्। यो रकमबाट नमुना गाडी बनाएर राष्ट्रपतिलाई उपहार दिने योजना रहेको उनिहरुले बताए।

जनताले जनताको लागि चुनेका जनप्रतिनिधि र सरकार प्रमुख नै विलासिताको पछि लागेको भन्दै युवाहरुले सांकेतिक विरोध स्वरुप एक रुपैयाँ भिख माग गरेका हुन ।

उनीहरुले राज्यको ढुकुटी रित्ताएको भन्दै आफुले तिरेको करको एक एक हिसाव जनतालाई बुझाउन पर्ने बताएका छन् ।सामाजिक सञ्जालमा सक्रिय स्वतन्त्र युवा शनिबार भिख माग्न पशुपति क्षेत्रमा पुगेका हुन्। भिख माग्ने कार्यक्रममा करिब दुई सय युवा सहभागी थिए।

Leave A Reply

Your email address will not be published.