बुद्धको मुर्ती बनेपछी शान्ति बगैंचामा ओईरिन थाले पर्यटक

0

माधव खनाल
मंसिर–९,सन्धिखर्क
अर्घाखाँचीको मुटु सन्धिखर्कको शान्ति बगैंचामा गौतम बुद्धको मूर्ति स्थापना गरिएपछि पर्यटक आवागमनमा वृद्धि भएको छ । शान्ति बगैंचालाई पर्यटकीय स्थल बनाउँदै आधुनिक बंगैचा निर्माण तथा शान्तिको सन्देश फैलाउन बुद्धको मूर्ति स्थापना गरिएपछि शान्ति बगैंचा निकै सुन्दर बनेको छ ।केही समय पहिले आंपका रुखहरु मात्र रहेको शान्ति बगैँचालाई आधुनिक बनाउंन थालेपछि साँच्चिकै हेर्न र घुम्न लायक बनेको छ ।पर्यटकको आकर्षण र शान्तिको सन्देश फैलाउने उद्देश्यले अहिले बगैँचालाई आधुनिक र व्यवस्थित बनाउने अभियानमा सन्धिखर्क नगर र स्थानीय बासिन्दा समेत लागिपरेका छन् ।गत भाद्र महिनामा ७ लाख बराबरको बुद्धको मुर्ती बंगैचामा राखिएपछि अहिले शान्ति बगैँचाको स्वरुप नै फेरिएको छ भने बगैँचा अवलोकन गर्नेहरुको संख्या पनि दिन प्रतिदिन बढ्दै गएको छ ।

लुम्बिनीमा आएका पर्यटकलाई सुपादेउराली हुँदै सन्धिखर्कमा ल्याउने उद्देश्यका साथ शान्ति बगैंचामा भगवान गौतम बुद्धको मुर्ती राखिएको नगरपालिकाले जनाएको छ ।बिहानमा मर्निङ्ग वाक गर्ने,मानसिक शान्ति खोज्ने,प्राकृतिक मनोरन्जन लिने लगायतका मानिसहरु अहिले शान्ति बंगैचामा आउने गरेका छन् ।पुरानो बंगैचालाई आधुनिक बनाउन लागिएको शान्ति बंगैचाको वरपर फुल,पानीका फोहरा, उद्यानपार्क बनाइ सकिएको छ भने बगैंचामा अरु पनि सिगार्ने विभिन्न कार्य अगाडि बढाइराखिएको सन्धिखर्क नगरप्रमुख कमल प्रसाद भुसालले जानकारी दिनुभएको छ । बंगैचा आधुनिकिकरणका निम्ती यस बर्ष २० लाख रकम विनियोजन भएको र अब ६० लाख रकम जुटेमा निर्माण कार्य सहजताका साथ सम्पन्न हुने नगरप्रमुख भुसालको भनाइ छ ।

Leave A Reply

Your email address will not be published.