लैङ्गिक हिंशा बिरुद्धको १६ दिने अभियान:अर्घांखाँचीमा पनि सुरु!

0

माधव खनाल
मंसिर–०९,सन्धिखर्क
प्रत्येक बर्ष नोभेम्बर २५ देखी डिसेम्बर १० सम्म विश्वभर मनाईने लैङ्गिक हिंशा बिरुद्धको १६ दिने अभियान आजदेखी सुरु भएको छ । लैङ्गिक हिंसा र दुव्र्यबहार छैन हामीलाई स्विकार भन्ने मुल नाराका साथ मनाउन थालिएको यस बर्षको १६ दिने अभियानलाई सन्धिखर्क नगरपालिकाले जनचेतना मुलक कार्यक्रममा केन्द्रित गर्ने भएको छ ।जति सभा र नारा जुलुस गरेपनि नागरिक सचेतना र ब्यबहारमा परिवर्तन नआए सम्म लैङ्गिक हिंसा नरोकिने निष्कर्ष सहित आज देखी मंसिर २४ गते सम्म मनाइने १६ दिने अभियानमा विद्यालय केन्द्रित र समुदाय केन्द्रि अन्तरक्रिया,अन्तर संवाद,हिंसा पिडितको पहिचान र उद्धार,क्षमता अभिबृद्धि गोष्ठी,उत्कृष्ट नागरिक सम्मान,रेडियो संवाद,वक्तृत्वकला लगायतका कार्यक्रम गरिने सन्धिखर्क नगरपालिकाले जनाएको छ । अभियानको पहिलो दिन आज सन्धिखर्क नगरहलमा एक भव्य समारोहका बिच सरोकारवालाहरुको उल्लेख्य सहभागितामा साक्षात्कार कार्यक्रम गरिने आयोजक महिला तथा बालबालिका कार्यालय सन्धिखर्क शाखा प्रमुख बेल कुमारी परियारले जानकारी दिनुभएको छ ।यस्तै अभियानको दोस्रो दिन भोली मंसिर १० गते सन्धिखर्कका मुख्य चोक र ठाउंमा म हिंसा गर्दिन र गरेको सहन्न आवाज उठाउंछु भन्दै सेतो ब्यानरमा हस्ताक्षर गरि प्रतिबद्धता जनाउने,मंसिर ११ गते सामाजिक सुरक्षा दिवस समेत परेकोले सरोकारवाला संग अन्तरक्रिया गर्ने,मंसिर १२ गते छोरा छोरी छुट्टाएर गर्भ तुहाउनेको स्थिति र यसलाई हटाउने बारेमा सामुहिक छलफल कार्यक्रम गर्ने, मंसिर १३ गते आदर्श मा.वि. खांचिकोट, मंसिर १४ गते जिवनोद्धार मा.वि.वाङ्गला, मंसिर १५ गते विजय मा.वि.डिभर्ना, मंसिर १६ गते भगवती मा.वि.कुर,मंसिर १८ गते ज्ञान प्रकाश मा.वि. डिभर्ना,मंसिर २० गते चन्द्र प्रभा मा.वि.खांचिकोट,मंसिर २१ गते अर्घा रजस्थल मा.वि.अर्घा,मंसिर २२ गते युवा बर्ष जनता रविचित्र मा.वि.हटारीनेटा,मंसिर २३ गते जनता कृष्ण मा.वि.पकलेमा विद्यार्थी केन्द्रित अभिमुखिकरण गोष्ठी कार्यक्रम संचालन गर्ने मंसिर १७ गते राष्ट्रिय अपाङ्गता दिवसको अवसरमा सरोकारवाला संग अन्तरसंवाद गर्ने,मंसिर १९ गते राष्ट्रिय स्वयंसेविका दिवसको अवसरमा स्वास्थ्य सम्बन्धि गोष्ठी गर्ने र मंसिर २४ गते अन्तिम दिन नगर भित्रका मा.वि. स्तरिय वक्तृत्वकला प्रतियोगिता,पुरस्कृत र समिक्षा सहित कार्यक्रमको समापन गर्ने कार्यतालिका रहेको सन्धिखर्क नगर उप–प्रमुख वि.क.ले जानकारी दिनुभएको छ ।

Leave A Reply

Your email address will not be published.