नेकपाको झण्डा ओढाएर युवा नेता चौधरीको अन्तिम बिदाई ॥

0

राघबेन्द्र चौधरी (पकडी)

नेकपाका युवा नेता दिपेन्द्र कुमार चौधरी उर्फ राजाबाबुको आज अन्तिम दाह संस्कार गरिएको छ । शुक्रबार राती ९ बजे युवा नेता चौधरीको शुध्दोधन गांउपालिका वडा नंम्बर ४ मोतीभारीमा गोली प्रहार गरी हत्या गरिएको युवा नेता चौधरीको आज दिउँसो ३ बजे मर्थी नदीको सन्तघाटमा नेकपा पार्टीको झन्डा ओढाएर बाजा गाँजा सहित शव यात्रा निकाली दाह संस्कार गरिएको छ ।

नेपाल सरकारका पूर्व मन्त्री एवं नयाँ शक्ति पार्टी नेपाल पाँच नंम्बर प्रदेश सँयोजक दानबहादुर चौधरी , नेकपा को नेता एवं पूर्व सांसद बलराम अधिकारी , पाँच नंम्बर प्रदेश सभा सदस्य सहसराम यादब , प्रदेश सभा सदस्य सुष्मा यादब ,कृषि मन्त्रालय सचिवालय सचिव बिजय जैसवाल , प्रदेश सभा उम्मेदवार फैजल खान ,शुध्दोधन गांउपालिका प्रमुख निसार खान , कमलेश चौधरीले दुःख प्रकट गरे । मृतक चौधरीको दाह संस्कारमा आफन्तजन , शुभेच्छुक गरी करिब दुई हजार जनताको उपस्थित रहेको थियो ।

मृतक परिवारबाट ६ जना उपर कर्तव्य ज्यानको किटानी उजुरी परेको छ । हत्याको विरोधमा शनिवार मृतक चौधरीका आफन्तजन, शुभेच्छुक र कार्यकर्ताहरुले मुख्य आरोपी पाण्डेयको घर आगजनी गरी पूर्ण रुपमा ध्वस्त पारेका छन् । आगजनीका कारण करीब २ करोड रुपैया बढीको धनमाल जलेर नष्ट भएको छ । प्रहरीले प्रारम्भिक अनुसन्धानका लागि ३ जनालाई पक्राउ गरेको प्रहरीले जनाएको छ ।

Leave A Reply

Your email address will not be published.