देवदहमा वडा कार्यालय भवनको शिलन्यास

0

सुरज भट्टराई / देवदह /मङ्सिर १०/
रुपन्देही जिल्लाको देवदह नगरपालिका वडा नं ८ को वडा कार्यलय भवनको सिलन्यास गरिएको छ।
प्रदेश नं ५का प्रदेश सभा सदस्य डा.कृष्ण न्यौपानेले एक कार्यक्रम बिच वडा कार्यलय भवनको सिलन्यास गरेका हुन ।करिब ६८ लाख १२ हजार रुपैयाँको लागतमा ५ कट्ठा जमिनमा निर्माण हुन लागेको सो भवन श्री कृष्ण कन्ट्रक्सन निर्माण सेवा प्रा.लि. ले निर्माण गरिरहेको छ । वडा कार्यालय निर्माणका लागि स्थानिय जनता मा.बि ले जग्गा प्रदान गरेको हो।

नगर उपप्रमुख बिद्या लक्ष्मी गुरुङले कार्यक्रममा भवन बनी सकेपछी जनताले आफ्नै ठाउँ बाट छिटो र छरितो सेवा पाउने बताउनु भयो। ३ बर्ष भित्रै सबै वडा कार्यलयहरु सम्पन्न हुने नगरको लक्ष्य रहेको पनि उहाले बताउनुभयो । उहाले नगरपालिका गर्न हरेक काम पारदर्शी हुनुपर्ने पनि बताईन । देवदह नगरपालिका वडा नं ८ का वडा अध्यक्ष डण्डापानी भट्टराईले भवन निर्धारित समयमै सम्पन्न हुने गरि काम गर्न लगाईने बताए । उनले भुकम्प रहित भवन निर्माण हुने बताए । साथै भवन निर्माण भैसकेपछि जनतालाई सेवा दिन सजिलो हुने उनको बिश्वास छ ।

वडा नं ८ वडा अध्यक्ष डण्डापानी भट्टराईको अध्यक्षतामा भएको सिलन्यास कार्यक्रममा , नगर उपप्रमुख बिध्या लक्ष्मी गुरुङ ,जनता मा.बि का संचालक समितिका अध्यक्ष रामप्रसाद देवकोटा , लगायतले शुभकामना मन्तब्य राखेका थिए। वडा सदस्य देवु भट्टराईको स्वागत मन्तव्यबाट सुरु कार्यक्रमको सञ्चालन संयुक्त वडा कार्यलय ७ र ८ का कार्यलय सचिब मित्र बहादुर थापाले गरेका थिए ।

 

Leave A Reply

Your email address will not be published.