सडकमा गाई छाड्दा हिरासतमा

0

मङ्लबार, मंसिर ११, २०७५

काठमाडौं । सडकमा गाई छोड्दा गाईधनी प्रहरीको हिरासतमा पुगेको भन्ने सुन्दा अचम्म लाग्ला । तर, राजधानीमा एउटा यस्तै घटना भएको छ । सडकमा बेवारिसे अवस्थामा गाई छाडेका कारण गाईधनी प्रहरीको हिरासतमा पुगेका छन् ।

गत १२ कात्तिकमा ललितपुर महानगरपालिका–२३ धापाखेलमा भेटिएको घाइते गाईलाई ललितपुर महानगरपालिका–२१ माथिल्लो खोकनामा रहेको ‘स्नेहाज केयर सेन्टर’ले रेस्क्यु गरेर उपचार थालेपछि गाईधनी प्रहरी हिरासतमा पुगेका हुन् ।

प्रहरीले इन्स्योरेन्स ट्यागका आधारमा गाईधनीलाई महानगरीय प्रहरी वृत्त सातदोबाटो बोलायो । धापाखेलका केदार घिमिरेले आफूले दूध दिन छाडेपछि घाइते अवस्थामा रहेको गाईलाई सडकमा छाडेको बयान दिएपछि प्रहरीले उनलाई नयाँ मुलुकी अपराध संहिताअनुसार पशुपक्षीसम्बन्धी कसुरमा अनुसन्धानका लागि हिरासतमा राखेको हो ।

सो कानुनबमोजिम घिमिरे दोषी ठहरिए तीन महिना कैद वा ५ हजार रुपैयाँ जरिवाना वा दुवै सजाय हुन सक्नेछ । –राजधानी दैनिकबाट

Leave A Reply

Your email address will not be published.