भेडा पालनका लागि दुई दिने तालिम लमहीमा सुरु

0

शिवु खनाल
देउखुरी, १२ मंसिर
कागे जातको भेडा पालनका लागि दुई दिने कृषक स्तर स्थलगत तालिमको लमही नगरपालिका नगर प्रमुख कुलबहादुर केसीले उद्घाटन गर्नु भएको छ । लमही नगरपालिका पशु सेवा उप–शाखा लमहीको आयोजनामा लमही नगरपालिका वडा नम्बर २ केरुनियापुरमा गरिएको हो । उद्घाटन कार्यक्रममा बोल्दै नगर प्रमुख केसीले कागे भेडाको पकेट क्षेत्र रहेको ठाउँ हो यो केरुनिया, किसानरुलाई किसान मैत्री र सवृद्धि बनाउनका लागि यो तालिम आयोजना गरेका छौँ नगर प्र्रमुख केसीले भन्नुभयो । नगर प्रमुख केसीले तालिममा सहभागिहरुलाई पेशालाई व्यवसायकरण बन्न र बनाउन आग्रह समेत गर्नु भएको छ । कागे भेडालाई लोप हुन दिनुहुँदैन, यस्को जगेर्ना गर्नु पर्छ ।,
यस्तै कार्यक्रममा वडाध्यक्ष नेपालु चौधरीले कागे भेडा वडा नम्बर दुई केरुनियामा क्षेत्रमा मात्रै पाइने भएकाले यो तालिमको यहीका किसानहरुले पाउदा आफु खुसि भएको कुरा राख्नुभयो । बाख्राको लागि यो ठाउँ उपयुक्त छैन, कागे भेडाको लागि भने अति उपयुक्त ठाउँ हो, लमही नगरपालिका वडा नम्बर २ का वडाध्यक्ष नेपालु चौधरीले भन्नुभयो । दुई नम्बर वडालाई कागे भेडाको क्षेत्र भनेर चिनारिले गर्ने लक्ष्य राखेको कुरा कार्यक्रमा बताउनुभयो । तालिम मात्रै लिएर हुदैन, म घर–घरमा गएर पनि अनुगमन पनि गर्छु ।, आफुले पनि सिक्ने र अरूलाई पनि सिकाउने सहभागीलाई चौधरीले आग्रह गर्नु भएको छ । कार्यक्रममा पशु चिकिस्क शिव न्यौपाने रहनु भएको छ । कार्यक्रमको सहजिकरण पत्रकार प्रिया स्मृती गजमेरले गर्नु भएको थियो ।।

Leave A Reply

Your email address will not be published.