प्युठान उद्योग वाणिज्य सघंमा बामगठबन्धन र काग्रेसको छुट्टाछुट्टै प्यानल

0

सागर रिजाल
प्युठान,१२ मंसिर ।

प्यूठान उद्योग वाणिज्य संघको निर्वाचनको लागि प्यानल घोषणा गर्दै दुई पक्षले निर्वाचन प्रचार प्रसार थालेका छन् । बाम गठवन्धन तर्फका ब्यवसायी र नेपाली काग्रेसका ब्यवसायीले छुट्टाछुट्टै प्यानल बनाई आ–आफ्नो चुनावी प्रसार थालेका हुन् । बुधवार बिहान बाग्दुलामा बाम गठबन्धनले आफ्नो गठबन्धन समुहको प्यानल सार्वजनिक गरेपछि काग्रेस निकट ब्यवसायीले पनि बुधवार बिजुवारको जुम्रिमा प्यानल घोषणा गरेका हुन् ।
बाम गठबन्धनको तर्फबाट जिल्लाका प्रतिष्ठित ब्यवसायी केदारमान कक्षपतिको अध्यक्षतामा आफ्ना उम्मेद्वार सार्वजनिक गरेको हो । वरिष्ठ उपाध्यक्षमा यज्ञ बहादुर केसी, वाणिज्य उपाध्यक्षमा दुर्गा भुषाल, उद्योग उपाध्यक्षमा मुक्ति पोख्रेल, महासचिवमा कृष्णभक्त गिरी, उप महासचिवमा पदम बहादुर खड्का र कोषाध्यक्षमा सुरेन्द्र बहादुर जिसी बाम गठबन्धनको प्यानलमा रहनुभएको छ । कार्यक्रममा उम्मेद्वारी घोषणासँगै भावी कार्यक्रमबारे पनि पत्रकार सम्मेलन गरी सार्वजनिक गरीएको हो ।

त्यसैगरी काग्रेस निकटका ब्यसायीहरुले पनि प्रमोद पोख्रेलको अध्यक्षमा प्यानल घोषणा गरेको हो । जसको वरिष्ठ उपाध्यक्षमा रामचन्द्र पाडैल, प्रथम उपाध्यक्षमा केशव पण्डित, महासचिवमा दधिराम भण्डारी, कोषाध्यक्षमा सनत श्रेष्ठ सहितको प्यानल घोषणा गरेका छन् । यिनीहरुले उद्योग उपाध्यक्ष र उप महासचिवमा उम्मेद्वारी घोषणा गरेका छैनन् । पत्रकार सम्मेलन गर्दै पोख्रेलले आफूहरु अन्तिम अवस्था सम्म पनि सबै मिलेर उद्योग वाणिज्य सघमा जानुपर्ने बताउँदै आएपनि बाम गठबन्धन तर्फका ब्यवसायीहरुले एकतर्फि प्यानल घोषणा गरेको बताउनुभयो ।
सयुक्त बामगठन्धनका उम्मेदबारहरुले आफुले निर्वाचनमा सफल भएपछि गर्ने काम बारेमा पत्रकारलाई जानकारी गराएका थिए । उनीहरुले जिल्लाको बजार व्यवस्थापन, ९ वटा स्थानिय तहमा सचिवालय निमार्ण, ठाउँ ठाउँ उपबजार बनाउने, उदेश्य लक्षित महोत्सव लगाउने , स्वर्गद्धारी एरपोट निमार्ण गर्ने जस्ता प्रतिबद्धताहरु पत्रकार समक्ष बताएका थिए । अब आउने नेतृत्वले भिग्रीमा बनेको धर्मशालाको स्तरउन्नती, सदरमुकाम खंलगालाई गुन्जायमान बनाउन पहलकदमी अगाडी बढाउनुपर्ने संघका वर्तमान अध्यक्ष ज्ञामुराम न्यौपानेले बताउनुभयो । उहाँका अनुसार जिल्लामा सहिद स्मृत पार्क निमार्ण गर्नका लागि डिपीआर रिर्पोट आउन बाकी रहेको र आएसंगै यसको काम अगाडी वढाउनुपर्न बताउनुभयो ।
त्यस्तै काग्रेस निकट प्यानलले १५ बुदामा आफ्नो प्रतिवद्धता व्यक्त गरेको छ । उनीहरुले बजार तथा व्यापार विशिष्टीकरण गर्ने, उद्योगी व्यपारीको हक हितको संरक्षण र प्रर्वधन गनेए, उद्योग मैत्री वातावरण सिर्जना गर्ने, हाट बजार सञ्चालन, लगाएतका प्रतिवद्धता व्यक्त गरेको हो ।
हाँल प्युठान उद्योग वाणिज्य संघको बजार इलाकाको निर्वाचन चलेको छ । हाँल सम्म जिल्लाका ४ वटा बजार ईलाकाको निर्वाचन सम्पन्न भईसकेको संघका अध्यक्ष ज्ञामुराम न्यौपानेले जानकारी दिनुभयो । मंसिर १७ गते सम्म बजार इलाकाको निर्वाचन सकिने उहाँले बताउनुभयो । मंसिर २९ गते हुने संघको दशौं जिल्ला अधिवेशनका लागि बस्तुगत र एसोसियट सदस्य निर्वाचित भइसकेका छन ।

Leave A Reply

Your email address will not be published.