सिन्धुपाल्चोकबाट आएको एक टोलीद्धारा भुमिकास्थान अबलोकन

0

माधव खनाल
मंसिर–१३,अर्घाखाँची
भुमिकास्थान ३ धारापानीको ठुलाखर्क चौतारा बस्तीलाई यहि मंसिर १४ गते पूर्ण सरसफाई युक्त क्षेत्र घोषणा गरिने भएको छ । ग्लोबल सेनिटेसन फण्ड,यू.यन.हेबिटाट र प्रकाश सचेतन समूह प्राग अर्घाखाँचीको सहजीकरणमा प्रत्येकको घरमा सफा चर्पी, चर्पीमा ६ चिज भन्ने नाराका साथ सुरु गरिएको पूर्ण सरसफाई कार्यक्रम अन्तरगत साबिकको धारापानी गा.वि.स.वार्ड नम्बर ७ चौताराका ५८ घरपरिवारले पूर्ण सरसफाई युक्त क्षेत्र घोषणाका सबै सुचक पुरा गरेकाले यहि मंसिर १४ गते पूर्ण सरसफाई युक्त क्षेत्र घोषणा गर्न लागिएको भुमिकास्थान–३ का वडा अध्यक्ष बालकृष्ण बन्जाडेले जानकारी दिनुभएको छ ।झन्डै ६ सय घरदुरी रहेको वडा नम्बर ३ मा पूर्ण सरसफाईको कार्यक्रम तिब्रताका साथ अगाडि बढिरहेको छ वडा अध्यक्ष बन्जाडेले भन्नुभयो चौताराका ५८ घरले सबै सुचक पुरा गरेका छन् हामी त्यहां यहि १४ गते पूर्ण सरसफाई युक्त क्षेत्र घोषणा गर्न जुटिरहेका छौं उहांले अगाडि थप्नुभयो पुरै वडालाई हामी सके सम्म मंसिरमै नभए पुषको पहिलो हप्ता पूर्ण सरसफाई युक्त क्षेत्रको घोषणा गर्ने छौं ।यसैबिच भुमिकास्थानको वडा नम्बर तिनमा भइरहेको पूर्ण सरसफाई कार्यक्रमको सिन्धुपाल्चोकबाट आएको एक टोलीले समेत अबलोकन गरेको छ । धारापानीमा पूर्ण सरसफाइमा नमुना कार्य भैरहेको भन्ने समाचार मिडियामा प्रशारण,प्रकाशन भएपछि जिल्ला खुला दिसामुक्त अभियान अन्तिम अवस्थामा पु¥याएको सिन्धुपालचोकमा धारापानीको नमुना कार्यको सुचना पुगेपछि आफूहरु अध्ययन अबलोकनका लागि अर्घाखाँची आएको भ्रमण टोलीमा सहभागी सामुदायिक बिकास तथा बाताबरण संरक्षण केन्द्र सिन्धुपाल्चोककी कोषाध्यक्ष पार्बती तिम्सिनाले बताउनु भयो । ३८ जना सहभागी भ्रमण टोलीको नेतृत्व गरेर आउनुभएकी कोषाध्यक्ष पार्वतीले भन्नुभयो हामीले जे सुचना पाएर यहां अध्ययन भ्रमणमा आयौं बास्तबमा हामीले यहाँ धेरै नया कुरा पायौं ।उहांले अगाडि थप्नुभयो यहांको समुदाय बास्विक मन देखिनै आफ्नो क्षेत्रलाई नमुना बनाउन लाग्नु भएको रहेछ । धारापनाीको चौतारामा अहिले प्रत्येकको घरमा सफा चर्पी,चर्पीमा चाहिने ६ प्रकारका सरसफाइ सामाग्रीको ब्यबस्थापन,चर्पिको वरिपरि थरि थरिका फूलहरु,साबुन पानी सहित हातधुने छुट्टै स्थानको ब्यबस्था,भाडा मांझ्ने जुठेल्नो,भाडा सुकाउने चाङ,खेर गएको पानीको ब्यबस्थापन सहित करेशाबारी निर्माण,सरसफाइ बारे बेला बखत अध्ययन गर्न र बैठक बस्नका लागि सरसफाइ स्रोत केन्द्रको समेत स्थापना गरिएको,घर आंगन,सार्बजनिक बाटो सबै तिर सफा सुन्दर बाताबरणले सांच्चीकै हेर्न लायक उस्कृष्ट पर्यटकीय क्षेत्रको रुपमा परिणत भएको भुमिकास्थान ३ का वडा अध्यक्ष बन्जाडेले दाबी गर्नुभएको छ । ग्लोबल सेनिटेसन फण्ड,यू यन हेबिटाट र प्रकाश सचेतन समूह प्राग अर्घाखाँचीले भुमिकास्थान नगरका ३ वटा वडामा पूर्ण सरसफाई अभियान संचालन गरिरहेको कार्यक्रम अत्यन्तै प्रभावकारी र उपलब्धि पूर्ण भएकाले अब नगरका १० वटै वडामा अभियान संचालनको निम्ती सहजिकरण गरिदिन अनुरोध गरिएको नगरपालिकाका योजना शाखा प्रमुख हरिष चन्द्र भुसालले जानकारी दिनुभएको छ ।

Leave A Reply

Your email address will not be published.