देउखुरीबाट ठूलो संख्यामा गोरु विक्री वितरण हुँदै

0

बैध र अवैध विषयमै आंशका

दिवाकर पोख्रेल
देउखुरी, मंसिर १२ गते । देउखुरीबाट पछिल्लो समयमा गोरुको ओसार पसार तिव्र रुपमा चलिरहेको छ । पुर्व इलाम लग्ने भन्दै दिनप्रतिदिन सयौको संख्यामा गरु निकासी हुने गरेको स्थानीयहरु बताउँछन । देउखुरीका विभिन्न स्थानका साथै पश्चिमवाट ल्याइएका गरुलाई देउखुरीको एकान्त स्थानमा जम्मा गरी रातीको समयमा ट्रकमा लोड गरेर निकासी गर्ने गरेको स्थानीय जानकारी दिएका छन् ।
नेपालगंज हुँदै बैजापुर र दाङको राजपुर गाउँपालिका वाट पुनः राप्ती तरेर लमही नगरपालिकाको असानीमा संकलन गरेर ठूलो संख्यामा गोरु जम्मा गरिएको छ । पुर्वपश्चिम राजमार्गको दक्षिण तर्फ राप्ती नदीको छेउँमै कसैले नदेख्नेगरी बाँसघारीको ओत लागेर गोरु बाँधिएका छन् । पहिल्यै देखि नै देउखुरी गोरु जम्मागर्ने थलोको रुपमा रहेको भएपनि सरोकारवाल निकाय यस विषयमा सकृयता देखाएको पाइदैन । गोरु विक्रीवितरणमा स्थानीयको संलग्नता रहेको आंशका गरिएपनि सरोकारवाला निकायको फितलो अनुसन्धानका कारण तस्कर र विक्री वितरण भन्नेमा आंशका उव्जेको छ । गयराती असानीमै ट्रकमा गोरु लोड गर्दै गर्दा सतबरीया र रीहार प्रहरीले गोरु लोड गर्नवाट रोकेको छ । इलाका प्रहरी कार्यालय अमेलियाका प्रमुख यूवराज चौधरीले अबैध र बैध भन्ने विषयमा आफूहरुलाई जानकारी नभएको भन्दै प्रशासनले निगरानी गरिरहेको दावी गर्नुभयो । हामीलाई यस विषयमा थाहा हुदैन, स्थानीय सरकारलाई सोध्नुस कागजपत्र छ भने छोड्छौ, छैन भने रोक्छौ प्रमुख चौधरीलले भन्नुभयो । आफूहरुले यस अंघि गाडीमा लोड गरेका गोरु विक्रीका लागि लग्न नदिएर रोकेको बताउनुभयो ।

गोरु विक्री गर्नको अपरिचित व्यत्तिहर्रु प्रयोग गर्ने र मुख्य ब्यापारीहरु नदेखिने हुंदा समस्या भएको छ । लमही नगरपालिका ८ असानीमा गोरु संकलन गर्दै गरेका रुपन्देही निवासी अजिज उल्लाहले आफूहरु ज्यालदारीमा काम गर्दै आएको बताए । ठेगदारले जता पठाउँछ त्यतै जानी हो, गोरु झापा लग्दै आएका छौ, उनलले भने । स्थानीयले यस विषयमा आफ्नो स्थानवाट गोरुको टान्जीट पोइन्ट नगराउन आग्रह गर्दै आएपनि रोयल्टी तिर्न आफूहरु तयार रहेको भन्दै लाइसेन्स रहेको दावी गर्दै आएका छन् ।
यस विषयमा प्रमख जिल्ला अधिकारी गजेन्द्रबहादुर श्रेष्ठले गोरु जम्मा गर्दैमा निकासी गरेको भन्न नमिल्ने भन्दै गाडीमा लोड गरेको पाएमा आफूहरुले रोक्ने बताउनुभयो । व्यवसाय गर्न पाउने उनिहरुको अधिकार पनि होला , लाइसेन्स पनि होला तर गाडीमा कोचाकोच गरेर पशुहरुलाई एक वाट अर्का जिल्ला लग्न मिल्दैन पशु अधिकारको पनि कुरा उठछ श्रेष्ठले भन्नुभयो । यसरी लोड गरेर लगेको जानकारी आएमा आफुहरुले रोक्ने प्रमुख जिल्ला अधिकारीले जानकारी दिनुभयो ।

Leave A Reply

Your email address will not be published.