झिमरुक गाउँपालिकाले दियो आयोजनाका उपभोक्तालाई तालिम 

0
सागर रिजाल
प्युठान,१३ मंसिर
झिमरुक गाउँपालिकाले आयोजनाका उपभोक्तालाई तालिम सञ्चालन गरेको छ । गाउँपालिकाले आर्थिक वर्ष २०७५÷०७६ मा स्वीकृत गरेका आयोजना तथा कार्यक्रमलाई सहज रुपमा सञ्चालन गर्ने उदेश्यले तालिम सञ्चालन गरिएको हो । गाउँपालिकामा रहेका ८ वटै वडामा तालिम सञ्चालन गरिने पालिकाले जनाएको छ ।
विहिवार वडा नंम्बर ६ चिसावाङ्गमा उपभोक्तालाई तालिम दिईएको हो । तालिममा उपभोक्ता समिति गठन,सार्वजनिक सुनुवाई, योजना सम्झौता गर्दा आवश्यक पर्ने कागजपत्र, खरिद प्रक्रिया,खरिद समिति,होडिङ्ग वोर्ड,योजना सम्बन्धि भनुपर्ने विवरण लगाएतका विषयमा झिमरुक गाउँपालिका योजना शाखा प्रमुख सुजन भण्डारीले सहजीकरण गरेका थिए ।
योजना सम्पन्न भएपछि भुक्तानी पाउनका लागि आवश्यक कागज पत्र र बिल भपाई लगाएतका बारेमा गाउँपालिकाका लेखापाल बिमल रिजालले सहजीकरण गरेका थिए । त्यस्तै योजना प्राविधिक हिसाबले ईष्टिमेट, डिजाईन अनुसार आयोजनालाई थालनी गर्न प्राविधिक ईष्टिमेट र लागत अनुमान र स्पेसिफीकेसन अनुसार काम गर्न ध्यान दिनुपर्ने आवश्यक कुराहरुको बारेमा गाउँपालिकाका प्राविधिक बासुदेव गिरीले सहजीकरण गरेका थिए ।

विगतका वर्षमा योजना सम्पन्न भएपनि महालेखाले आयोजना तथा कार्यक्रमको लेखा परिक्षण गर्ने भएकाले आवश्यक कागजात नमिल्दा बेरुजु आउने भएकाले यस तर्फ चनाखो हुन उपभोक्तालाई नीतिगत कुराका बारेमा गाउँपालिकाका प्रमुख प्रशासकिय अधिकृत कमल प्रसाद भुषालले जानकारी गराउका छन् । उनले भने,–‘स्थानिय स्तरमा उपभोक्ता समितिले नीतिगत कुरा जानकारी नपाउँदा समस्या हुने गर्छ, यसका लागि आवश्यक जानकारी दिईएको हो । ’
त्यस्तै गाउँपालिकाका अध्यक्ष तिलक बहादुर जिसीले स्थानिय तहमा हुने सबै किसीमका आयोजना तथा कार्यक्रमहरु पारदर्शी, जबाफदेही र जनताले अपनत्व लिने गरि कार्यक्रमलाई सञ्चालन गर्न आग्रह गरेका छन् । जसले जनताले प्रत्यक्ष रुपमा आयोजनाका फाईदा लिई आयोजनालाई आयआर्जनका कार्यक्रमसंग जोडेर अगाडी वढनुपर्ने उनले बताए ।
त्यस्तै वडा नंम्बर ६ का वडा अध्यक्ष निमानसिंह जिसीले स्थानिय तह निर्वाचन भए पश्चात जनताले आफ्नो टोलबस्तीबाट आफ्नै निम्ती आफै छनोट गरेका आयोजना तथा कार्यक्रमहरुलाई सफल रुपले कार्यान्वयनमा लगेर आयोजनाबाट प्रत्यक्ष लाभ लिन आग्रह गरे ।

Leave A Reply

Your email address will not be published.