यो बर्ष संघियता कार्यान्वयनको बर्ष हो ःप्रदेश कानुन मन्त्री के.सी.

0

माधव खनाल
मंसिर–१४,अर्घाखाँची
प्रदेश ५ का आन्तरिक तथा कानुन मन्त्री कुल प्रसाद के.सी.ले यो बर्ष संघियता कार्यान्वयनको बर्ष भएको बताउनुभएको छ ।मुलुकले ऐतिहांसिक राजनितिक सफलता प्राप्त गरि संघिय संविधान कार्यान्वयनको निम्ती आवस्यक कानुन निर्माणमा तिनवटै तहका सरकार क्रियाशिल रहेको भन्दै उहांले कानुन कार्यान्वयनमा ध्यान दिन सरोकारवालालाई आग्रह गर्नुभएको छ । प्रदेश ५ को आवधिक योजना ०७६–७७ देखी ०८०–८१ को तर्जुमा सम्बन्धमा अर्घाखाँचीमा सुझाव संकलन गर्न हिजो सन्धिखर्कमा आयोजना गरिएको कार्यक्रमको उद्घाटन गर्दै मन्त्री के.सी.ले यस्तो बताउनुभएको हो ।मुख्यमन्त्री कार्यालयका सचिव बसन्त अधिकारीको अध्यक्षता तथा कार्यपत्र प्रस्तुत,प्रदेश सरकारका उप सचिव धुर्व कुंवरको स्वागत मन्तव्य र राम चन्द्र अर्यालको संचालनमा सम्पन्न कार्यक्रममा बोल्दै मन्त्री के.सी.ले जनताको जीवनस्तरमा सुधार हुने विकासको ढाँचा तयार पार्न प्रदेश सरकारले आवधिक योजनाको मस्यौदा तयार गरि सुझाव संकलन अभियान संचालन गरेको जानकारी दिनुभएको छ । योजनाबाट प्रतिफल पाउने समुदाय संग जोडिएर योजना बनाउँदा प्रभावकारी हुने भएकाले आवधिक योजना निर्माणका लागि १२ वटै जिल्लामा सुझाव संकलन अभियान संचालन गरेको उहांको भनाई छ । अर्घाखाँचीबाट निर्बाचित प्रदेश सांसद चेत नारायण आचार्य,रामजी प्रसाद घिमिरे,जालपा भुसाल,निर्मला क्षेत्री,कल्पना पाण्डे,जिल्ला समन्वय समिति प्रमुख पिताम्बर शर्मा,उप–प्रमुख रिषि पुलामी,सन्धिखर्क नगर कार्यबाहक प्रमुख ठाकुर कुमार वि.क.,भुमिकास्थान नगर प्रमुख रेसम थापा,सितगंगा नगर प्रमुख सुर्य प्रसाद अधिकारी,मालारानी गाउंपालिका अध्यक्ष बालकृष्ण आचार्य,पाणिनी गाउंपालिका अध्यक्ष अच्युत गौतम,छत्रदेव गाउंपालिका अध्यक्ष लेखनाथ पोख्रेल,प्रमुख जिल्ला अधिकारी खिमराज भुसाल,जिल्ला समन्वय अधिकारी कृष्ण प्रसाद पाण्डे,नेकपाका नेता जनार्दन खनाल,राष्ट्रिय जनमोर्चाका जिल्ला उपाध्यक्ष गोपाल पौडेल,अर्घाखाँची उद्योग वाणिज्य संघका अध्यक्ष युवराज श्रेष्ठ,पत्रकार महासंघ अर्घाखाँची अध्यक्ष हिम लेकाली लगायतको सहभागीतामा सम्पन्न कार्यक्रममा सहभागीहरुलाई ४ समुहमा बिभाजन गरि बिभिन्न ४ क्षेत्रका ४६ वटा बिषयबस्तुमाथी छलफल गरि सुझाव संकलन गरिएको छ ।

Leave A Reply

Your email address will not be published.