महाराजगंजको बरईपुर बाल विवाहमुक्त वडा घोषणा ।।

0

सनिउल्ला धोबी, कपिलवस्तु मंसिर १४
कपिलवस्तुको महाराजगंज नगरपालिका वडा नं ४ बरईपुर ‘वाल विवाह मुक्त वडा’ घोषणा भएको छ । वाल विवाह व्याप्त भएपछि त्यसलाई रोक्न वाल विवाह मुक्त वडा घोषणा गरिएको महाराजगंज नगरपालिकाका प्रमुख अब्दुल कलामले बताउनु भयो । ११ वटा वडा रहेको नगरपालिकामा ४ नं वडा कार्यालय बरईपुरले यस्तो उदाहरणीय काम गरेको प्रती नगर प्रमुख धन्यावाद समेत दिनुभयो ।
कम उमेरका वालिकाहरुलाई ललाई फर्काई विवाह गराउने र त्यसका नाममा वेच विखन समेत भएका खवर आईरहेका वेला यस्तो कार्य गरेको वडा अध्यक्ष सुशिल कुमार चौधरीले बताउुन भयो ।
विहिवार आयोजित कार्याक्रममा स्थानीय बासिन्दाले बाल विवाह हुन नदिन विभिन्न बुदामा सामूहिक प्रतिबद्धता जनाएका छन । उनीहरूले बाल विवाह गर्न प्रेरित गर्नेलाई कानुनी कारबाहीको दायरामा ल्याउने, बालविवाहका लागि आएको निम्तो बहिष्कार गर्ने, नमुना वडा बनाउनेलगायतका प्रतिबद्धता जनाएका हुन् । यस बर्ष वर्षदेखि बालविवाह नभएको तथ्याङ्क कार्यक्रममा सार्वजनिक गरिएको थियो ।
बरईपुरका बासिन्दाहरुले बालविवाह गर्ने र गराउने घर परिवारलाई सामाजिक बहिष्कार गर्ने बताएका छन । वडावासीले बाल विवाह रोक्नका लागि सचेतता अपनाउन विविध कार्यक्रम अन्तर्गत यो अभियानलाई प्रमुखताको साथ सञ्चालन गरी बाल विवाह मुक्त वडा घोषणा गरेको बताएका थिए ।
महाराजगंन नगरपालिकाको आयोजना र कालिका स्वालम्बन सामाजिक विकास केन्द्र र सेभ द चिल्डेनको सहयोगमा बाल विवाह मुक्त वडा घोषणा गरिएको वडाध्यक्ष शुशिल कुमार चौधरीले बताउनु भयो ।
महाराजगंज नगरपालिकामा पुर्ण खोप वडा र खुल्ला दिसा मुक्त वडा घोषणा गरेपनि वाल विवाह वडा घोषणा गर्न सकेका थिएनन् । कार्यक्रममा महाराजगंन नगरपालिकाको उपप्रमुख शुभावती कुर्मी, प्रमुख प्रशासकीय अधिकृत डोलराज ढकाल, जिल्ला समन्वय समिति कपिलवस्तुका सदस्य तेज बहादुर रायमाझी, कालिका स्वालम्बन सामाजिक विकास केन्द्रका अध्यक्ष संजय लम्साल, समाजसेवी हरीबंस नाथ शुक्ला, वडा अध्यक्ष मोहम्द हुसेन धुनिया, उदयराज चौधरी, जगदिश प्रसाद तिवारी लगायतको अतिथ्यता रहेको थियो ।

Leave A Reply

Your email address will not be published.